web counter
LEXO PA REKLAMA!

SHKARKO APP

App Store
Google Play

E fundit!

x

Italia nuk dorëzohet/ "Modeli Veneto" i kontrollit të infeksionit ka startuar në fazën 2

23 Mars 2020, 08:26, Kosova & Bota CNA

Italia është vend i cili tashmë po vuan më shumë pasojat e koronavirusit. Nga dita në ditë po shtohet numri i të vdekurve me qindra të tjerë. Në tri ditët e fundit shifrat ishin të tmerrshme: 427, 627, 793… Ka raste kur vdesin të gjithë të vendosurit në ndonjë azil për pleq, apo gjysma e banorëve të ndonjë fshati në afërsi të Alpeve.

Megjithatë Italia nuk do të dorëzohet. Nga sot “Modeli Veneto” i kontrollit të infeksionit ka startuar në fazën 2. Guvernatori Luca Zaia ka mbështetur dy nisma që mendohet se do të frenojnë përhapjen e infeksionit, e para: testimi i popullatës, në rrugë dhe në baza vullnetare, me një pajisje antitrupash, për të identifikuar kush e ka patur koronavirusin në formë asimptomatike dhe e ka kaluar atë dhe e dyta: një fushatë paralele masive, nën kontrollin e drejtpërdrejtë të mikrobiologut Andrea Crisanti (i njëjti që propozoi marrjen e mostrave të të gjithë banorëve të Vo ‘),  për t’i nënshtruar kategoritë më të ndjeshme ndaj infeksionit për të kryer testin e tamponit, përfshi gjithë ata që kanë për shkak të punës kanë kontakte me publikun si psh 54 mijë punonjësit e shëndetit publik, oficerët e zbatimit të ligjit, punonjësit e supermarketeve apo dhe shoferët e autobusëve. Mendohet se numri i testeve që mund të kryen brenda një jave do jetë rreth 13 000.

“Nëse në Veneto ka shumë raste infeksioni kjo është për shkak se ne e kërkojmë koronavirusin? ? tha Zaia.

Po ashtu mediat italiane raportojnë se autoritetet në Veneto gjithashtu do të testojnë edhe Avigan, ilaçin kundër gripit i përdorur në Japoni dhe që mendohet se është  një antiviral efektiv kundër koronavirusit nëse ai përdoret te të infektuarit që në simptomat e para, por Agjensia Italiane e Barnave, ka deklaruar se për Avigan “Nuk ka prova që funksionon”.

Po ashtu, Italia ka shtrënguar edhe masat kundër përhapjes së Covid-19.  Qeveria ka urdhëruar mbylljen e të gjitha aktiviteteve jo-thelbësore të prodhimit, por supermarketet dhe farmacitë do të qëndrojnë të hapura, si dhe do vazhdojnë të garantohen shërbimet thelbësore si ato bankare, postare dhe transporti.

Masa më e fundit drastike do të ngadalësojë motorin prodhues të vendit, por të paktën nuk do ta ndalojë atë, një sakrificë ekonomike për të garantuar atq që është më e shtrenjtë, jetën.

Lajmi i mirë përfshin gjithashtu mbërritjen e ndihmave nga Rusia që përfshijnë kamionë për dezinfektim, spitale në terren, 100 ventilator polmonarë dhe 500 mijë maska.
Ndihma është shoqëruar edhe nga rreth 100 mjekë me përvojë ndërkombëtare në raste epidemish.





Lajmet e fundit nga