web counter
LEXO PA REKLAMA!

SHKARKO APP

App Store
Google Play

E fundit!

x

“Gjuhë e shfrenuar dhe fjalë boshe”/ Bardhi leksion Ramës: Dil nga shtëpia dhe bëj detyrën e Kryeministrit!

21 Mars 2020, 18:38, Politikë CNA

Sekretari i Përgjithshëm i Partisë Demokratike, Gazmend Bardhi, ka reaguar përmes një postimi në rrjetet sociale, ku i kërkon kryeministri Rama të heqë dorë nga përhapja e panikut dhe nxitja e dhunës.

Kjo deklaratë e Bardhit vjen pas publikimit të një video fake nga kryeministri Rama sot, ndërsa shihej se si disa forca policie, dhunonin qytetarët në Spanjë, që dilnin nga shtëpia.

Megjithatë, kryeministri Rama kërkoi më vonë ndjesë, duke shkruar se kishte rënë pre e qytetarit dixhital.

?Përhapja e panikut dhe nxitja e dhunës ndaj qytetarëve nuk shërbëjnë në këto momente të vështira për shqiptarët. Masat kufizuese për qëndrimin e qytetarëve në shtëpi duhet të jenë të forta dhe ato duhen respektuar nga çdo qytetar, sipas ligjit.

Por, detyra e kryeministrit nuk është as të përhapë panik, as të mallkojë qytetarët, as t?i mashtrojë ata dhe aq më pak, të ushtrojë dhunë ndaj tyre si homologu algjerian! Detyra e Kryeministrit tani është të transmetojë siguri për qytetarët, duke u garantuar pagat dhe ushqimin, si dhe duke marrë masa serioze, jo kaotike, jo të pamenduara, që garantojnë mospërhapjen e virusit.

Dil nga shtëpia dhe bëj detyrën e Kryeministrit! Pas faljes gjysmake, Edi Rama, në vend që të sulmojnë opozitën, duhet të heqë dorë menjëherë nga mesazhet që përhapin panik të panevojshëm. Qytetarët kanë nevojë për mbështetje dhe veprime konkrete në ndihmë të shëndetësisë dhe ekonomisë, dhe jo panik, gjuhë të shfrenuar dhe fjalë boshe.?





Lajmet e fundit nga