web counter
LEXO PA REKLAMA!

SHKARKO APP

App Store
Google Play

E fundit!

x

“Qëndro në shtëpi!”/ Peleshi apel qytetarëve: Ka vetëm një recetë për t’iu rikthyer jetës komunitare

20 Mars 2020, 13:13, Politikë CNA

Ish-zv.kryeministri Niko Peleshi iu ka drejtuar një apel të fortë qytetarëve që të respektojnë kufizimet kundër përhapjes së koronavirusit dhe të qëndrojnë në shtëpi, nëse nuk duan që pamjet tragjike të Italisë, t?i shohim edhe në vendin tonë.

Në një postim në rrjetet sociale, Peleshi shkruan se nëse duam ti rikthehemi jetës komunitare ka vetem një recetë, qëndrimi në shtëpi.

?Qëndro në shtëpi!

Nëse nuk duam të dëgjojmë fjalë që na dëshpërojnë, nëse nuk duam që pamjet tragjike të vendit fqinj t’i shohim edhe në vendin tonë, nëse e duam veten dhe të afërmit, nëse duam t’i rikthehemi jetës komunitare (sot po e kuptojmë sa e mrekullueshmë është), ka vetëm një recetë : QËNDRONI NË SHTËPI.
Dje në oraret e lejuara (6.00 – 10.00 dhe 16.00-18.00), nëpër rrugë e në park nuk shikoje vetëm qytetarë që kishin dalë nga shtëpia për të plotësuar nevoja të domosdoshme, por edhe qytetarë që dilnin për relaks. Ju lutem kuptojeni që oraret e lejuara për lëvizje nuk janë oraret kur virusi bën pushim. Dilni vetëm për nevoja të pashmangshme! Nuk është shumë e lehtë për kulturën tonë të qëndrojmë mbyllur në shtëpi, por është shumë më mirë se në spital, ose më keq akoma të sëmurë pa spital. Duhet të jemi të vetëdijshëm se spitalet tona kanë shumë herë më pak kapacitete se numri i pritshëm i të prekurve në rast se nuk respektojmë këtë regjim. Ka shumë mundësi ta shmangim më të keqen sepse Shqipëria ka reaguar shumë shpejt, që në ditën kur kishim vetëm 2 të prekur. Në Korçë, Pogradec, Devoll, Maliq, Kolonjë, Pustec fatmirësisht nuk ka asnjë rast të konfimuar. Por mbartës me shumë gjasa ka. Ndaj respektimi i masave ka rëndesi JETIKE.?-shkruan Peleshi./ CNA.al





Lajmet e fundit nga