web counter
LEXO PA REKLAMA!

SHKARKO APP

App Store
Google Play

Problemi i furnizimit me ilaçe/ Rama zbulon marrëveshjen me Turqinë

19 Mars 2020, 21:28, Politikë CNA

Kryeministri Edi Rama ka folur lidhur me aludimet se mund të bllokohet transporti i të gjitha mjeteve dhe aparaturave mjekësore dhe ilaçeve në botë.

Rama tha se nga bisedimet e bëra deri më tani me krerët e shteteve të ndryshme, ka informacione se kjo nuk do të ndodhë.

“Kompanitë farmaceutike kanë vepruar me instiktin e drejtë dhe po krijojnë stoqe edhe për t’i dalë përballë diçkaje që nuk besojnë se do ndodhë. Nga bisedat që kam bërë me krerë shtetesh, nuk ka për të ndodhur që BE të bllokojë transportin. Kompanitë shqiptare po prodhojnë. Nuk ka asnjë arsye në botë që të kenë shqetësime”, deklaroi ai në emisionin “Opinion”.

Kreu i qeverisë u pyet nëse kanë kërkuar ndihmë nga Kina, e cila është vendi i parë që u përball me koronavirusin dhe tashmë ka arritur ta izolojë, ndërsa zbuloi planin që ka me Turqinë.

“Unë kam folur me Presidentin e Turqisë, me të cilin jam në kontakt të vazhdueshëm. Ministria e Shëndetësisë ka bërë marshin e vet po kini parasysh se Kinën e kërkon e gjithë bota. Prej kohësh, prej dy javësh kemi vendosur në tavolinën e shtetit turk alternativën, një listë me kërkesa në rast se do përmbyset bota dhe nuk do ketë asnjë mundësi komunikimi me askënd. E kemi të garantuar me Turqinë”, nënvizoi Rama./ CNA.al





Lajmet e fundit nga