web counter
LEXO PA REKLAMA!

SHKARKO APP

App Store
Google Play

Basha “ultimatum” Ramës/ Nuk ka më kohë, shqyrto propozimet e Voltana Ademit

19 Mars 2020, 13:48, Politikë CNA

Kreu i Partisë Demkratike, Lulzim Basha, vlerëson propozimet e kryebashkiakes së Shkodrës, Voltana Ademi, për të përjashtuar me 3 muaj nga detyrimet vendore taksapaguesit, në këto ditë të vështira të koronavirusit, duke u shprehur se sitauta emergjente kërkon masa dhe veprime konkrete.

Në një postim në rrjetet sociale, Basha shkruan se situata emergjente kërkon masa dhe veprime konkrete.

?Çdo ditë që kalon biznesi dhe qytetarët përjetojnë vështirësi të dyfishta. Gjendjes së jashtëzakonshme diktuar nga Covid 19 i shtohet dhe pamundësia e bizneseve për të mbijetuar  dhe e një shumice qytetarësh për të siguruar ushqim në pamundësi për të punuar.

Për këtë arsye përshëndes vendimin e Kryetares së Bashkisë së Shkodër Voltana Ademi për tu gjendur në krah të qytetarëve dhe bizneseve.

Ky është standarti i Partisë Demokratike. Çdo propozim i yni është i zbatueshëm dhe çdo vendim të propozuar do ta kisha marrë pa hezitim në qeverisje, për t?u shërbyer njerëzve dhe vendit.

Uroj dhe bëj thirrje që pa humbur kohë të bëhet shqyrtimi dhe miratimi i  propozimit të Kryebashkiakes Ademi për përjashtimin nga detyrimet vendore për individët, familjet,  personat fizikë dhe juridikë, dhe që çdo bashki tjetër të adoptojë të njëjtat masa në mbrojtje të interesave të qytetarëve.

A:  Të përjashtohen  nga taksa e pronës dhe tarifat vendore (pastrim, gjelbrim, ndriçim publik) për një periudhë 3-mujore viti 2020,  për të gjitha kategoritë e taksapaguesve.

B: Të përjashtohen nga kamatvonesat e detyrimeve  vendore dhe gjobave për të gjitha kategoritë e taksapaguesve.?-shkruan Basha./ CNA.al





Lajmet e fundit nga