E fundit!

19:34 Aktualitet

Dita e 26 e protestës/ Qytetarët marshojnë drejt Kryeministrisë

Protestuesit dhe në ditën e 26 të protestët kundër qeveris...

Koronavirusi shënon bilanc tragjik në Itali/ Meta: Do të kalojë kjo krizë, mirënjohje për profesionalizmin e mjekëve

21 Mars 2020, 08:08, Politikë CNA

Presidenti Ilir Meta ka reaguar në lidhje me situatën e rëndë të cilën po kalon Italia, ku një ditë më parë koronavirusi shkaktoi një bilanc tragjik, duke marrë jetën e më shumë se 600 personave në vetëm 24 orë.

Në një postim në rrjetet sociale, ndërsa shpreh mirënjohjen për profesionalizmin e mjekëve që po përballen me këtë betejë, Meta thekson se është i bindur që Italia do e kalojë edhe këtë krizë.

?Dita e djeshme shënoi një tjetër bilanc tragjik për Italinë tonë të dashur.
Në këto momente tepër të vështira, lutjet dhe mendimet tona shkojnë për familjet që kanë humbur të dashurit e tyre, të cilave ju shpreh të gjithë solidaritetin e popullit shqiptar.
Me urimin për shërim të shpejtë për të gjithë të prekurit nga kjo pandemi, dhe shëndet të plotë për mbarë popullin italian, i cili me kulturën dhe civilizimin e tij i ka frymëzuar të gjithë kombet për progres shoqëror, shpreh bindjen se nën drejtimin e udhëheqësve të saj, Italia do ta kalojë këtë krizë të rëndë për të, por edhe për ne, dhe Europën!
Me vëmendje dhe shqetësim të veçantë jam duke ndjekur çdo ditë edhe situatën në bashkësitë tona të dashura arbëreshe duke u interesuar për shëndetin e tyre, si edhe të qindra mijra shqiptarëve, të cilët jetojnë, punojnë dhe kontribuojnë prej vitesh në Itali, së bashku me familjet e tyre.

Një mirënjohje dua të shpreh për të gjithë mjekët dhe personelin shqiptar të integruar në sistemin shëndetësor italian, të cilët me profesionalizëm, përkushtim dhe sakrifica të pashembullta po bëjnë çdo gjë për të ndihmuar qytetarët e këtij vendi kaq të rëndësishëm për kombin shqiptar.
Ne u jemi thellësisht falenderues, pasi angazhimi i tyre fisnik dhe njerëzor bëhet, jo vetëm në emër të humanizmit, por edhe të mirënjohjes së mbarë popullit shqiptar, i cili sa herë ka përjetuar tragjedi dhe kriza të mëdha, ndihmën dhe mbështetjen e parë e ka gjetur te Italia dhe populli i saj bujar dhe i mrekullueshëm.
Kam besimin e palëkundur se Italia jonë e dashur do ta kalojë me kurajo e vendosmëri këtë krizë të rëndë.
#AndràTuttoBene ??????-shkruan Meta.