web counter
LEXO PA REKLAMA!

SHKARKO APP

App Store
Google Play

E fundit!

x

Silva Bino mesazh të rëndësishëm qytetarëve/ Ja elementi kryesor për të luftuar COVID-19

19 Mars 2020, 08:37, Sociale CNA

Mjekët dhe specialistët e shëndetit publik vijojnë të përcjellin mesazhe informuese dhe sensibilizuese për qytetarët në lidhje me koronavirusin.

Mëngjesin e sotëm, ministrja e Shëndetësisë, Ogerta Manastirliu ka shpërndarë një mesazh të rëndësishëm që shefja e departamentit të Sëmundjeve Infektive, Silva Bino, iu drejton të gjithë qytetarëve për të mposhtur Covid-19.

Në mesazhin e saj, Bino iu kërkon qytetarëve të vetëizolohen, nëse shfaqin shenja respiratore, të ruajnë distancën 1 metra me të tjerët, e mbi të gjitha të mos përfshihen nga paniku.

Po ashtu ajo thekson se qëndrueshmëria është elementi më i rëndësishëm me të cilin ne duhet të luftojmë këtë armik.

??#COVID-19. Fjalën duhet ta kenë ekspertët! Ju lutem kushtojini pak minuta nga koha juaj këtij mesazhi të dr. Silva Binos? #QëndroniNëShtëpi?, shkruan Manastirliu.

?Dua t?iu drejtohem të gjithë qytetarëve, që të jenë të përgjegjshëm të qëndrojnë në shtëpi. Nëse kanë shenjën më të vogël respiratore të vetëizolohen. Të përpiqen të ruajnë distancën të paktën 1 metër nga personat e tjerë. Këto masa janë mjet shumë i rëndësishëm, që shpeshherë bie mbi vetë individin. Paniku nuk të çon askund. Qëndrueshmëria është elementi më i rëndësishëm me të cilin ne duhet të luftojmë këtë armik. Punonjësit janë në vijën e parë të frontit për të ruajtur shëndetin e qytetarëve, por kjo nuk mjafton. Ata duhet të ndihmohen nga vetë qytetarët?, shprehet Bino.





Lajmet e fundit nga