web counter
LEXO PA REKLAMA!

SHKARKO APP

App Store
Google Play

Pipero apel të fortë moshës së tretë/ “Nuk do keni mundësi ti gëzoni nipërit tuaj”

18 Mars 2020, 16:23, Sociale CNA

Mjeku infeksionist Pëllumb Pipero, i ka bërë apel të fortë moshës së tretë, si një kategoritë më të rrezikuara por edhe më të pabindura sa i përket zbatimit të masave të ndërmarra nga qeveria në kuadër të pandemisë së koronavirusit.

I ftuar në rubrikën ?Opinion?, Pipero u shpreh me keqardhje se situata nuk po merret seriozisht, dhe pikërisht nga kjo kategori moshe.

“Më vjen keq që duhet ta bëj këtë deklaratë, por gjyshërit dhe gjyshet nuk do kenë mundësi të gëzojnë fëmijët dhe nipërit të tyre, nëse nuk e marrin seriozisht situatën dhe respektojnë thirrjet tona.

Kjo është një luftë e vetetë. Asnjë nuk e kupton dot. Ka shumë të panjohura. Edhe në botë është ende fillimi.

Unë thjesht kam thënë, duhet kohë të vërtetohet qëndrueshmëria e luftës. Lufta me koronavirusin do të jetë e gjatë. Po them të paktën katër muaj në rastin më të mirë, por ka mundësi të kthehet përsëri pas një viti, apo dy vitesh.

Ndaj sakohë nuk kemi dy armët kryesore, vaksinën dhe medikamentin  e vetmja gjë që mund të bëjnë qytetarët është kujdesi.

Nëse qëndrojmë brenda, e para nuk sëmuren ata, e dyta nuk sëmurin të tjerët dhe e treta vijnë më pak në spital.

Shtimi i rasteve në Itali tejkalon çdo kapacitet të mundshëm mjeksor. I tejkaloi në Itali, po rrezikon Spanja tani e shumë vende të tjera.

Ky lloj virusi eklipson ekonominë dhe çdo gje tjetër, ndaj e vetmja gjë, kufizoni lëvizjet. Nëse nuk na dëgjojnë pasojat mund të jenë më të mëdhaja se në Itali. Madje edhe sot jemi vonë, por nga sot e tutje të jemi më të kujdesshëm”, u shpreh Pipero./CNA.al

 





Lajmet e fundit nga