web counter
LEXO PA REKLAMA!

SHKARKO APP

App Store
Google Play

E fundit!

x

Ndikimi i koronavirusit në ekonomi/ Banka Qëndrore Europiane jep 750 miliardë euro

19 Mars 2020, 09:22, Kosova & Bota CNA

Pandemia e koronavirusit ka pasur ndikim negativ në shumë shtete të botës dhe për këtë arsye Banka Qendrore Europiane ka vënë në dispozicion një paketë urgjente prej 750 miliardë eurosh.

Lajmin e ka bërë të ditur shefja e Bankës Christine Lagarde, e cila deklaron se me paratë e vëna në dispozicion për të lehtësuar ndikimin e pandemisë do të paguhen borxhet e qeverive dhe kompanive në vendet e Eurozonës, përfshirë këtu edhe Greqinë dhe Italinë.

BBC shkruan se 25 anëtarë të Bankës Qendrore Europiane diskutuan lidhur me situatën nëpërmjet telefonit dhe vendosën të veprojnë pas kritikave të shumta se nuk po e mbështesin mjaftueshëm Eurozonën.

Lagarde tha se do të bëjnë gjithçka me fuqinë e tyre për të mbështetur vendet europiane në këto “kohë të jashtëzakonshme”.

Skema e blerjes së pasurive do të jetë e përkohshme dhe do të përmbyllet pasi Banka të gjykojë se faza e krizës së koronavirusit ka mbaruar./ CNA.al





Lajmet e fundit nga