web counter
LEXO PA REKLAMA!

SHKARKO APP

App Store
Google Play

E fundit!

x

Shpresë për Italinë në betejën me koronavirusin/ Mbërrin ekipi i ekspertëve kinezë dhe ndihma mjekësore

13 Mars 2020, 09:03, Kosova & Bota CNA

Kina, e cila ishte vendi i parë ku u shfaq koronavirusi, duket se tashmë po del nga kthetrat e virusit të rrezikshëm.

Por, ndërkohë tashmë është Italia e cila po përballet me një situatë mjaft të rëndë ku numri i personave të prekur dhe i atyre që kanë humbur jetën nga koronavirusi është rritur në mënyrë të frikshme.

Ndërkohë, Kina e cila u përball e para me virusin e panjohur, do të ndihmojë Italinë. Mediat raportojnë se një avion Airbus A-350 nga Kina,i nisur nga Shangai me një ngarkesë me ndihma mjekësore në bord ka zbarkuar në aeroportin e Fiumicino në Itali mbrëmjen e 12 marsit. Ky fluturim ishte njoftuar nga qeveritë e të dyja vendeve ditët e fundit.

Ndërkohë, media kineze njofton se avioni me një ekip kinez të ndihmës mjekësore prej 9 vetash ka mbërritur në Romë, si pjesë e përpjekjeve të Kinës për ta ndihmuar Italinë në parandalimin e shpërthimit të koronavirusit të ri.

Ekipi kinez është organizuar nga Komisioni Kombëtar i Shëndetësisë dhe Kryqi i Kuq i Kinës. Ky është ekipi i tretë i ekspertëve i dërguar nga qeveria kineze, pas atyre që kanë shkuar përkatësisht në Iran dhe Irak.

Ekipi ka sjellë mbi 700 pajisje mjekësore, si ventilatorë, monitorë dhe defibrilatorë.

Ekspertët dhe pajisjet mjekësore kineze mbërritën në Itali, teksa numri i konfirmuar i rasteve të COVID-19 në këtë vend ka arritur mbi 10 mijë./ CNA.al





Lajmet e fundit nga