E fundit!

12:34 Aktualitet

Kërkesa e protestuesve për kufizimin e mandatit të kryeministrit/ Berisha: PD e gatshme ta votojë

Kreu i PD-së, Sali Berisha, deklaroi se Partia Demokratike...

Çfarë prodhoi manifestimi i sotëm i Ilir Metës

2 Mars 2020, 19:04, Politikë CNA

Presidenti që në muajin nëntor paralajmëroi një protestë që do ta mbante në Qytetin Studenti në 8 dhjetor, por tërmeti tragjik i 26 nëntorit e shtyu dhe e anulloi atë.

Zgjati disa muaj, skena politike u mbars edhe më shumë dhe presidenti njoftoi për një protestë-manifestim sot më 2 mars, përpara Presidencës.

PD e LSI çuan trupat e tyre, rreth disa mijëra njerëz rreth presidentit sot i kërkonin shpërndarjen e Parlamentit. Ilir Meta në fakt firmosi kthimin e ligjit për betimin e anëtarëve të Gjykatës Kushtetuese dhe kërcënoi hapur se nëqoftëse nuk do hidheshin hapa pas nga mazhoranca, ai do shkonte në Parlament dhe do firmoste atje dekretin për shpërndarjen e tij.

Çfarë prodhoi në fakt kjo protestë?

Përtej showt të Ilir Metës, i cili bëri një fjalim me fakte dhe argumenta të fortë, ndezi turmën, ajo prodhoi dhe një kërcënim të ri për kryeministrin , duke i thënë se përballë do të kishte një opozitar të ri dhe ai nuk do të ishte më Lulzim Basha. Kaq dhe asgjë më tepër përtej një show dhe një dekreti thuajse të papërtypshëm nga qytetarët, siç është ai i kthimit të ligjit për betimin e anëtarëve të Gjykatës Kushtetuese.

Ilir Meta s?tha asgjë tjetër, shkëlqeu në shown e tij pa asnjë diskutim, kishte një fjalim të fortë, një fjalim politik si të ishte një lider i munguar i opozitës, por protesta nuk prodhoi asgjë më shumë se kaq. Ilir Meta show ishte mesazhi i vërtetë që në fakt të elektizonte me fjalimin e tij, nxiste dhe ndizte turmën. Ky erdhi si një mesazh për qeverinë, por edhe për kryetarët e opozitës Basha e Kryemadhi, të cilët në fakt nuk emocionojnë më akënd.

Ajo çka prodhoi në finale protesta, përtej Ilir Meta showt, ishte ai dekreti që shpesh presidenti i firmos nëpër zyrë, një rutinë dhe tani ka ngelur të presim lëvizjet e mazhorancës, të cilat janë ato që do na tregojnë se ku do shkojë më tej Ilir Meta, do të qëndrojë si një president apo do të shpërndajë parlamentin dhe vetë do tentojë ta çojë vendin në zgjedhje për të rimarrë dhe ai pozicionin e tij në spektrin politik shqiptar. Në fakt protesta e sotme përtej Ilir Meta showt, nuk prodhoi asgjë tjetër të jashtëzakonshme./ CNA.al