E fundit!

08:49 Kronika

Vrasja e efektivit në Maliq/ Detaje të reja, zbardhen emrat dhe rrethanat e ngjarjes

Zbardhen detaje të reja lidhur me ngjarjen e rëndë të mëng...

“Presim këngën që do e përjetësojë”/ Olli tregon “trimërinë” e Ramës në mes të Moskës: I bëmë sërish zap

27 Shkurt 2020, 10:28, Politikë CNA

Anëtari i Bordit Drejtues të Bindjes Demokratike, Leonard Olli ka komentuar vizitën që kryeministri Edi Rama bëri një ditë më parë në Moskë, dhe takimin e tij me ministrin e Jashtëm rus, Lavrov.

Në një postim në rrjetet sociale, Olli e cilëson të turpshme qëndrimin e kreut të qeverisë, për të cilin thotë se nuk ndali denigrimin e përfaqësuesve të Kosovës.

?Nga Moska si hodhi gurin e fshehu dorën, nuk ndali denigrimin e përfaqësuesve të Kosovës, duke thelluar gjithmonë e më shumë zullumin që sherrnajën e sistemin e baltologjisë kaq të preferuar në Tiranë ta mbjellë gjithë zell edhe në hapësirën Shqipëri-Kosovë! Se ku ka më “bukur” e qasje më domethënëse “patriotike” se të denigrosh shqiptarët nga Moska?! Të qenit lider suprem ta jep edhe këtë avantazh!?-shkruan Olli.

Më tej, ai shprehet se ?lideri ynë suprem? është i veçantë në llojin e tij, e mund të baltosë shqiptarër, qoftë edhe nga Moska.

?Nuk kam dëgjuar kurrë që Moska zyrtare të ketë fyer liderët serbë edhe në ato pak raste kur ata nuk kanë vepruar konform linjës së tyre. Nuk kam dëgjuar kurrë Athinën zyrtare të fyejë liderat e Qipros edhe kur nuk kanë qenë në unison për çështje të ndryshme, por lideri suprem prandaj është i tillë e mund të baltosë shqiptarët edhe nga Moska se nga Tirana e ka bërë telef situatën.?.

Po ashtu, Olli ironizon Ramën dhe mediat që i mbajnë ?ison?, ndërsa heq edhe një paralele me ish-diktatorin Enver Hoxha.

?Ky soj shtetari, këtë bulmet nxjerr…. pa folur për shpurrën mediatike që na shiti “qëndresën” e liderit suprem, njëlloj si ajo e qoftëlargut në mbledhjen e 81 partive! Vaj medet…. Dy herë i kemi bërë zap në mes të Moskës… një herë me vetizolim kriminal, e një herë duke sharë…. njëri-tjetrin kuptohet… Tani presim këngën e radhës që do e përjetësojë në histori…?-përfundon postimin e tij Leonard Olli.