web counter
LEXO PA REKLAMA!

SHKARKO APP

App Store
Google Play

Ish-ministri i Ramës i “përvishet” ambasadores së SHBA/ Po bën zëdhënësen e qeverisë

27 Shkurt 2020, 09:04, Politikë CNA

Ambasadorja e Shteteve të Bashkuara të Amerikës në Tiranë, Yuri Kim ka publikuar qëndrimin e kryeministrit Edi Rama gjatë konferencës së djeshme me ministrin e Jashtëm rus Sergei Lavrov.

Në një postim në rrjetet sociale, Kim publikon deklaratën e Lavrov dhe korrigjimin e Ramës që thotë se Shqipëria nuk është në të njëjtën linjë me aleatët e mëdhenj, NATO dhe BE sepse është e detyruar por se ka zgjedhur.

Por, pas këtij publikimi, ka reaguar ish-ministri i Drejtësisë në qeverinë ?Rama 1?, Ylli Manjani.

Ky i fundit, në një postim në rrjetet sociale, ironizon ambasadoren Yuri Kim, ndërsa shkruan ?Uuu sa mirë!

Po merre e çoje në Amerikë, moj zonjë!

Bëje President atje, se këtu nuk na duhet gjë me gjithë këto mend që ka për gjithë botën. Nuk i bën punë hiç popullit të vet që e varfëron dhe e dëbon nga territori.

Është overqualified për këtu Ai. Merre! Ta kemi falë!

Me këtë rast nuk ka se si të akuzohet më për ndërhyrje në zgjedhjet në Amerikë, njësoj si Lavrovi…?.

Më tej, ish-ministri akuzon ambasadoren e SHBA se po bën zëdhënëesen e qeverisë.

?Ah, meqë ra fjala si i vajti filli atij 2% -it që Shqipëria duhet të ketë si buxhet për ushtrinë e NATOs?! Teksa e bën zëdhënësen e qeverisë na e thuaj dhe këtë, të lutem!

Apo s’nuk…!?-shkruan Ylli Manjani./ CNA.al





Lajmet e fundit nga