web counter
LEXO PA REKLAMA!

SHKARKO APP

App Store
Google Play

E fundit!

x

“Sot vdiq Lady Makbeth, kriminelja e Shqipërisë”/ Shkrimtari Kostreci për Nexhmije Hoxhën

26 Shkurt 2020, 20:58, Politikë CNA

Shkrimtari Uran Kostreci, ish i denuar politik i regjimit komunist, ka reaguar pas ndarjes nga jeta të Nexhmije Hoxha, gruas së diktatorit Enver Hoxha, i cili sundoi Shqipërinë me grusht të hekurt për dekada me radhë.

Kostreci thekson se sot shqiptarët janë gëzuar pasi iku një person i urryer.

“Unë po ju them se sot ka vdekur Lady Makbeth. Ajo nuk ishte vetëm e shoqja e Enver Hoxhës, i cili ka bërë një mal me krime në kurriz të shqiptarëve, por ishte edhe bashkëpunëtore e tij në këto krime.

Mendoj se shqiptarët janë gëzuar sot me këtë lajm, se iku një person aq i urryer.

Megjithatë, kjo vdekje nuk e mbyll as dosjen e diktaturës as kapitullin e nostalgjikëve të regjimit komunist.

Urojmë që ajo të tërheqë këmbën zvarrë dhe të marrë me vete edhe ca nga këta nostalgjikët e diktaturës, se ende janë shumë. Ata janë mjaft të rrezikshëm, sepse disa kanë qenë edhe vet në terren gjatë aksioneve kriminale të diktaturës, madje kanë bërë edhe vrasje me dorën e tyre.

Ne të dënuarit politikë nuk vrasim njeri, sepse ky është ndryshimi ynë me ata.

Krimet që ka bërë ajo klikë, ajo kastë, ajo mafie komuniste kanë qenë të tmerrshme dhe vërtet njeriu duhet të gëzojë kur nga këta njerëz kaq të urryer largohen nga kjo jetë dhe na hiqen qafe e të mos i shohim më të paktën.?/CNA.al





Lajmet e fundit nga