web counter
LEXO PA REKLAMA!

SHKARKO APP

App Store
Google Play

Meta thumbon Donald Lu dhe Vlahutin/ “Na u puthën në buzë nga gëzimi...”

24 Shkurt 2020, 20:52, Politikë CNA

Ilir Meta nuk i ka kursyer aspak sulmet edhe ndaj dy ish-ambasadorëve të BE-së dhe SHBA-së, Romana Vlahutin dhe Donald Lu.

Teksa u pyet në emisionin ?5 pyetje nga Babaramo? nëse pret zgjidhje të krizës aktuale politike nga ndërkombëtarët, Meta thumboi Lunë dhe Vlahutin, të cilët ndodheshin në Shqipëri në korrik të vitit 2016, kur u miratuan ndryshimet Kushtetuese për Reformën në Drejtësi.

?Nuk pres zgjidhje nga diplomatë që sot janë në Shqipëri dhe nesër ikin në Taxhikistan, Afganistan apo dalin në pension?, tha ai, ndërsa me tone ironie deklaroi se nga gëzimi dy ish-ambasadorët u puthën në buzë nga gëzimi.

“Për zgjidhjen e krizës, unë nuk pres zgjidhje nga ndërkombëtarët, zgjidhjet janë në Kushtetutë po të donin. Për atë Kushtetutë që votuam me 140 vota ne na u puthën në buzë dy ambasadorët më të rëndësishëm nga gëzimi i madh, që bëmë me konsensus. Ashtu sikur për fat të keq bekuan kapjen e prokurorisë me 69 vota në kundërshtim të hapur me përcaktimin me 84 vota. Unë nuk e pres zgjidhjen nga diplomatë që sot janë në Shqipëri dhe nesër ikin në Taxhikistan, Afganistan apo dalin në pension. Unë zgjidhjen e pres vetëm te respektimi i Kushtetutës. Kjo është e vetmja mënyrë për të zgjidhur mosmarrëveshjet tona të përditshme. Prandaj unë kam thirrur popullin dhe duhet të thotë fjalën e tij dhe unë kam besim se do ta thotë. Në radhë të parë me pjesëmarrjen, prandaj të tjerat do i komunikojmë në miting…manifestim, kjo është fjala më e mira. Shqiptarët duhet të nguten”, nënvizoi Kreu i Shtetit./ CNA.al





Lajmet e fundit nga