web counter
LEXO PA REKLAMA!

SHKARKO APP

App Store
Google Play

E fundit!

x

Çfarë e inatosi Presidentin?/ Meta tregon arsyen e protestës së 2 marsit

24 Shkurt 2020, 20:15, Politikë CNA

Presidenti, Ilir Meta, ka treguar se përse nisi sërish sulmet kundër qeverisë dhe kryeministrit Edi Rama, në kohën kur dukej se mosmarrëveshjet po zbeheshin.

Meta tha se ajo që e nxiti më tepër ishte thirrja e Komisonit të Venecias dhe miratimi i ligjit që anashkalonte betimin e gjyqtarëve për në Gjykatën Kushtetuese tek Presidenti.

?Ne menduam ta denoncojmë tani, se ato jo vetëm thirrën kot më kot Komisionin e Venecias, por ata një ditë para se të vinte Komisioni, bënë fakt të kryer anashkalimin e betimit të gjytarëve tek Presidenti?, u shpreh Kreu i Shtetit në emisonin ?5 pyetje nga Babaramo?.

Meta i krahasoi shkeljet e mazhorancës me regjistrimin e tokave në hipotekë, apo edhe me humbjen e  gjurmëve të një aksidenti apo vrasje.

?Kjo do të thotë që unë që kam dikë në varësi, se ajo ka në varësi dhe hipotekat, ta marr pronën tënde dhe ta regjistrojë në emrin e vet. Si mendon ti, duhet të gjithë shqiptarët ta pësojnë këtë gjë? Se shumë prej tyre e kanë pësuar që ta kuptojmë këtë gjë, përveç cënimit të shumë e shumë të drejtave të tjera. Kjo do të thotë që ndodh një aksident, ndodh një krim dhe ti të fshehësh gjurmët e krimit, apo vendos gjurmët e gishtave të tu, që i pafajshëm, aty ku ka ndodhur krimi që e ka bërë dikush tjetër dhe të shkosh të dënohesh ti dhe të shpëtojnë ata të tjerët.

Kjo do të thotë rrëzim i shtetit të së drejtës dhe është bërë në mënyrë të ndërgjegjshme, sepse kanë qenë të paralajmëruar në mënyrë të vazhdueshme dhe u është kërkuar bashkëpunim nga Presidenti i Republikës, Kuvendit të Shqipërisë, Këshillit të Emërimeve në Drejtësi, dhe të gjithë institucioneve për të mos ardhur te kjo çmenduri që ?është perla më e madhe e zbatimit të reformës në drejtësi?, nënvizoi Meta./ CNA.al





Lajmet e fundit nga