web counter
LEXO PA REKLAMA!

SHKARKO APP

App Store
Google Play

E fundit!

x

“Do e kishin paketuar si plaçkat”/ Metës nuk i del inati me ambasadorët

24 Shkurt 2020, 20:18, Politikë CNA

Presidenti Ilir Meta ka sulmuar sërish ambasadorët e huaj në Shqipëri të cilët kërkuan që fjalën e fundit për debatin për emërimin e anëtarëve të Gjykatës Kushtetuese ta thoshte Komisioni i Venecias.

Meta tha se nëse ambasadorja shqiptarë në Itali do të kishte ndërhyrë në dekretin e Presidentit atje, do ta kishin paketuar e ambalazhuar dhe për 24 orë do ta kishin sjellë në Rinas.

“Ambasadorët të gjithë thanë përpara dhe bënë gabim shumë të gabuar, dolën jashtë statusit të tyre diplomatik. Mendoni sikur ambasadorja e Shqipërisë në Romë të vinte në diskutim dekretin e Presidentit italian, do ta kishin paketuar, ambalazhuar, sikur paketohen ato plaçkat, që sillen dhe për 24 orë do ta kishe në Rinas. E dyta mirë ata e bënë, dhe unë u thashë se nuk është kërkesë për Venecian se është qesharake, se e ka shkruar se ndërtohet në mënyrë të balancuar nga presidenti, që është i pari, parlamenti, demokratik jo si ky i joni dhe nga gjykata e lartë.

Dhe vetë Venecia ka thënë dhe radha do të përcaktohet në Kushtetutë dhe në ligj, sepse e ka thënë vetë Venecia. Sepse mund të ndodhë që Presidenti dhe shumica mund të jenë të një linje politike” tha Meta në studion e “5 pyetje nga Barbaramo”./CNA.al





Lajmet e fundit nga