web counter
LEXO PA REKLAMA!

SHKARKO APP

App Store
Google Play

Denoncimi në “Stop”/ Familja me tre fëmijë në mëshirë të fatit pas tërmetit, Bashkia urdhër të nxirren nga hoteli

14 Shkurt 2020, 20:10, Denoncim CNA

Familja Doda, e përbërë nga 5 persona, ka mbetur në mëshirë të fatit. Pas tërmetit të 26 nëntorit, Rita Doda, së bashkua me bashkëshortin dhe tre fëmijët e mitur ishin akomoduar në resortin ?Raffaelo? në Lezhë.

Por rreth dy muaj e gjysmë pas tërmetit, Bashkia e Laçit ka dhënë urdhër që ata të nxirren nga hoteli, ku ishin akomoduar që prej datës 29 nëntor.

Rita Doda iu drejtua emisionit investigativ ?Stop?, ku tregoi se nuk kanë përfituar bonus, pasi kanë jetuar 11 vite me qera dhe nuk zotërojnë një banesë të tyren. Ajo deklaron se ka jetuar në Mamurras, ndërsa pasaportizimin e ka në bashkinë e Laçit.

Familja Doda ka mbetur në rrugë, me një foshnje 7 muajshe të sëmurë. Gazetarja e emisionit është përballur me Sekretaren e Bashkisë, e cila e ka pritur shumë keq, duke i kërkuar llogari se përse interesohet për atë familje.

Sekretarja deklaron se buxheti i Bashkisë nuk mund të përballojë të gjithë shpenzimet, por kërkoi që Merita Doda të kontaktojë me Kryebashkiakun.

Me ndërhyrjen e emisoninit investigativ, Kryetari i Bashkisë e akomodoi familjen Doda në Shëngjin, duke i siguruar banesë edhe për disa muaj./ CNA.al





Lajmet e fundit nga