web counter
LEXO PA REKLAMA!

SHKARKO APP

App Store
Google Play

E fundit!

x

Mustafaj kritikon paketën Anti-KÇK/ “Rama po kërkon të bëjë spektakël”

5 Shkurt 2020, 16:52, Politikë CNA

Ish ministri i Jashtëm, Besnik Mustafa,j i cilësoi antikushtetuese operacionet në kuadër të Anti-KÇK-së, për të cilat thotë se kryeministri Edi Rama po i bën për të hequr vëmendjen nga skandalet.

Sipas tij, qeveria Rama ka shkelur të drejtat e njeriut, ndaj dhe përmend kritikën e Komitetit të Helsinkit.

?Komiteti i Helsinkit ka bërë një kritikë këtë herë. Nuk mundet që Policia të dalë mbi gjykatat. Nëse nuk i konfirmon Gjykata, atëherë këtu kemi problem, sepse i bie që Policia ka vepruar në mënyrë të paligjshme. Unë kam prirjen të bashkohem me profesionistët që thonë se është antikushtetuese dhe shkel të drejtat e njeriut. Edi Rama kërkon të bëjë një spektakël, që të krijojë një imazh rreth vetes, edhe pse është akuzuar si njeriu më i korruptuar në Shqipëri?, tha ai në rubrikën ?Opinion? në News 24.

Ndërkohë, për politikën në Kosovë, Mustafaj përgëzoi sjelljen e opozitës dhe tha se shpreson që qeveria Kurti të ndryshojë ekonominë e vendit.

?Sjellja e opozitës është klasike. Asnjë opozitë nuk i thotë qeverisë “mirë se erdhe!” Tani çfarë sfidash ka? Unë besoj se ka disa sfida shumë të mëdha, që kryeministri Kurti nuk ka dhënë shenja që ka zgjidhje në kokën e tij. Nuk e dimë si do të sillet për taksën 100 përqind, nuk dimë si do të veprojë me bisedimet me Serbinë. Gjithë presioni ndërkombëtar është përqëndruar në taksën 100 përqind ndaj Serbisë dhe në vazhdimin e dialogut Prishtinë ? Beograd. Sfida e marrëdhënieve me Serbinë është një sfidë shumë e madhe. Mbetet të shikohet?, theksoi Mustafaj./ CNA.al





Lajmet e fundit nga