web counter
LEXO PA REKLAMA!

SHKARKO APP

App Store
Google Play

“Duhet të shndërrohet në kamikaz”/ Bardhi leksion Ramës si të luftojë krimin

5 Shkurt 2020, 19:04, Politikë CNA

Sekretari i Përgjithshëm i Partisë Demokratike, Gazment Bardh,i ka hedhur akuza ndaj kryeministrit Edi Rama lidhur me paketën Anti-KÇK.

Bardhi thotë se Rama lodhet kot, kur bën si kalorës i luftës kundër krimit të organizuar, pasi askush nuk e beson.

Demokrati deklaron se lufta kundër krimit nuk bëhet as me Twitter, as me Facebook, as me videomontazh.

Sipas tij, që të luftojë Edi Rama krimin, do të thotë të shndërrohet në kamikaz e të luftojë kundër vetes.

?Karriera politike e Edi Ramës i ka themelet tek krimi. Si avokat i krimit, me Vasilika Hysin dhe Etilda Gjonajn në Komitetin Shqiptar të Helsinkit, në vitin 2010, Edi Rama e ankimoi Ligjin Antimafia në Gjykatën Kushtetuese me shqetësimin se shkelte të drejtat e anëtarëve të krimit të organizuar.

Sot në qeverisje, anëtarët e grupeve mafioze më të rrezikshme në vend, po fitojnë një e nga një lirinë, sepse drejtori i burgut të Edi Ramës dhe Kryetari i Bashkisë së Edi Ramës kanë dalë garantë për sjelljen e mirë të kriminelit të rrezikshëm, që ka blerë vota për Edi Ramën?, shkruan Bardhi në një postim në rrjetet sociale.

Sekretari i PD akuzon Ramën si kreun e KÇK-së, ndërsa pretendon se ky i fundit po bashkëqeveris me krimin e organizuar, duke i dhënë pushtet politik, tendera, koncesione dhe pasuri publike./ CNA.al





Lajmet e fundit nga