web counter
LEXO PA REKLAMA!

SHKARKO APP

App Store
Google Play

E fundit!

x

BE grup verifikimi për reformat/ Varhelyi: Kush shkel kushtet, i pezullohen negociatat

5 Shkurt 2020, 20:03, Politikë CNA

Komisioneri për politikën e fqinjësisë dhe zgjerimin, Oliver Varhelyi ka folur pas propozimit të Komisionit Europian për metodologjinë e re të zgjerimit.

Varhelyi konfirmon se plani është që të ketë ekspertë nga shtetet anëtare së bashku me ekspertët e KE të angazhuar në misione në terren, për të bërë vlerësimin e progresit të vendeve që duan të bëhen anëtare në BE.

Komisioneri thekson se është e rëndësishme që të ndërtohet besim midis ekpsertizës së një shteti anëtar dhe vendeve të Ballkanit, pasi thekson se kjo mungon.

Gjithashtu ai thekson në një prononcim për Abc News, se ndryshimi ka të bëjë me instrumentat penalizues  në rastin e shkeljeve serioze. Ai paralajmëron se kush shkel kushtet, mund t’i hiqen fondet apo dhe pezullohen negociatat.

?Lidhur me instrumentat që kemi në dispozicion dhe këtu po i përgjigjem edhe pyetjes së gazetarit holandez. Po, ndërpreja e fondeve është një nga instrumentat që kemi dhe kemi vullnetin që ta përdorim në rastet kur është e nevojshme. Në përdorimin e instumentave negativë, ne duhet të jemi proporcionalë lidhur me shkallën e regresit ose mungesës së performancës. Mund të përdorim prerjjen e fondeve, por gjithashtu një rihapje të një kapitulli të mbyllur të negociatave të anëtarësimit. Në këtë rast, kjo ilustron domethënien e kthyeshmërisë së procesit.  Mund të pezullojmë negociatat në disa fusha ose mund të pezullojmë tê têrë procesin e negociatave në varësi të çështjes që bëhet fjalë ?, shprehet Varhelyi./ CNA.al





Lajmet e fundit nga