web counter
LEXO PA REKLAMA!

SHKARKO APP

E fundit!

x

19 mijë të prekur nga gripi në javë/ Fluks urgjencash në QSUT

5 Shkurt 2020, 20:05, Sociale CNA

Urgjenca e QSUT-së po përballet me një fluks të lartë pacietësh ditët e fundit, të cilët paraqiten me simptoma gripale. Megjithatë, për ISHP-në, nuk kemi të bëjmë ende me një epidemi.

Doktoresha virologe pranë ISHP, Iris Hatibi,  per Ballkan web, thotë se që nga nisja e sezonit gripal janë raportuar 98 raste me komplikacione shumë të rënda të rrugëve respiratore.

Ndërkohë, në media është raportuar një viktimë nga gripi, si dhe një rast i dyshuar i një 28-vjeçari në Prrenjas.

Ndërkaq, në vendet fqinje si Itali, Kosovë dhe Greqi virusi i tipit A po shkakton viktima. Kështu në Kosovë zyrtarisht janë raportuar 4 viktima nga gripi, në Greqi numri i të vdekurve ka shkuar në 39, ndërsa në Itali, që prej muajit tetor dhe deri në mes të janarit, janë shënuar 259 viktima nga virusi i tipit A.

Ndërsa referuar buletinit të fundit të bërë publik nga ISHP, në datë 26 janar, në Shqipëri diagnostikohen 19 mijë raste në javë të prekur nga gripi./CNA.al

 





Lajmet e fundit nga