web counter
LEXO PA REKLAMA!

SHKARKO APP

App Store
Google Play

“Rritet me 12 herë kanabisi në Shqipëri”/ Vasili: Rruga jonë drejt BE mbyllet prej drogës

28 Janar 2020, 11:33, Politikë CNA

Nënkryetari i LSI, Petrit Vasili ka reaguar lidhur me videon e transmetuar në median italiane RAI 3 ku thuhej se sasia e prodhimit të kanabisit në Shqipëri është rritur me 12 herë.

Vasili shprehet se rruga e Shqipërisë drejt BE mbyllet prej drogës dhe akuzon qeverinë si kukull të trafikantëve që mbështet prodhimin e kanabisit, dhe jo ta luftojë atë.

?Rruga e Shqipërisë drejt BE mbyllet prej drogës. Shqipëria figuron si një vend i kriminalizuar përkundrejt mijëra shqiptarëve të varfër dhe të ndershëm që s?duan të kenë të bëjnë Shqipëria në 2004 si një vend me qeverisje socialiste por jo rilindase ishte një vend tranzit droge dhe sot jo vetëm është por është një pikë kyce por dhe kultivuese ndërkombëtare e drogës. Këto janë të vërtetat e mëdha që e kanë shndërruar qeverinë në një kukull të komanduar nga kriminelët. Ky është një shqetësim i madh për antimafian dhe organet e inteligjencës botërore. Të vetmit të lumtur janë qeveria dhe Edi Rama.
Para cdo fushate elektorale dhe tensioni politik aktivizohet armata e hashashit dhe kriminelëve për të prodhur para që të blejnë votat. Shqiptarët duhet të jenë të shqetësuar dhe revoltuar më shumë se kurrë. Kjo batërdi e kultivimit dhe rrëmbimit të Shqipërisë nga droga është kthyer në fatkeqësi. Jemi vendi me përdorimin nga më të lartit të kanabisit. Jo vetëm prodhohet, jo vetëm kultivohet por edhe përdoret brenda vendit. Uzurpimi i shtetit nga trafikantët duhet të marrë fund. Europa e dha alarmin. Mediat ndërkombëtare e dhanë alarmin. Mediat fqinje duhet t?i jemi mirënjohëse. Edhe media shqiptare duhet të dalë në terren dhe të çlirohet nga kapja e tij?, u shpreh Petrit Vasili./CNA.al





Lajmet e fundit nga