E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

“Ka refuzuar 4 herë të bëjë testin e drogës”/ Vokshi paralajmëron Ramën: Herët a vonë sekreti do zbulohet

27 Janar 2020, 16:29, Politikë CNA

Ish deputetja e Partisë dDemokratike Albana Vokshi ka kërkuar shkarkimin e kryebashkiakut socialist të Bulqizës Lefter Alla, pas videos ku shihej duke konsulmuar lëndë narkotike në një lokal.

Me anë të një deklarate për shtyp, deputetja foli edhe për gjyqin që ka me Edi Ramën, ku bëri me dije se kryeministri ka refuzuar 4 herë të bëjë testin e drogës.

?Publiku duhet ta dijë se në përballjen që unë kam me të në gjykatë, Edi Rama refuzon të bëjë testin e drogës. Me seancën e sotme, numri i refuzimeve të Edi Ramës për të bërë testin e drogës shkon në 4. I kam kërkuar gjykatës ta marrë provën e testit të drogës si pjesë e procesit gjyqësor të hapur nga Edi Rama ndaj meje, pasi ai u ndje i fyer nga një postim për Check Up-in (kontroll bazë mjekësor për shëndetin). Ky koncesion korruptiv ka nxjerrë burrat shtatzanë dhe nuk do të ishte ndonjë çudi që asnjë nga analizat e Check Up-it të Edi Ramës të dilnin me doza kokaine dhe t’i jepeshin dikujt tjetër?, tha ajo ndërsa kujtoi kohën kur deputetët opozitarë pyesnin Ramën në Parlament nëse ka konsumuar kokainë.

?Opinioni publik nuk ka harruar, kur ai fliste për gjithçka në parlament, por nuk guxonte t?i përgjigjej pyetjes: a ka konsumuar kokainë? Gjithashtu, opinioni publik e mban mend se pika e vetme e rëndësishme me të cilën Edi Rama nuk ka ra dakord gjatë hartimit të ligjit të dekriminalizimit, ishte testi i drogës nga politikanët.

Edi Rama ka frikë nga testi i drogës si djalli nga temjani, prandaj vazhdon ta refuzojë duke përdorur çdo mjet dhe mënyrë. Një kryeministër që merr vendime të rëndësishme nën efektin e drogës është një rrezik i madh për vendin dhe qytetarët e tij, prandaj, Edi Rama duhet të lejojë gjykatën që të bëjë transparencë.

Bashkë me përgjigjen, nëse ai është apo jo konsumues i kokainës, shqiptarët kanë të drejtë të njihen nga gjykata edhe me kontratën koncesionare të checkup-it prej 120 milionë euro, të cilën Edi Rama refuzon ta bëjë publike duke urdhëruar vartësit e tij që ta mbajnë atë sekret në mënyrë skandaloze, si sekret tregtar?, deklaroi Vokshi.

Ish deputetja paralajmëroi se herët a vonë, sekreti i Edi Ramës do të zbulohet dhe se Partia Demokratike do ta anulojë këtë koncesion./ CNA.al