web counter
LEXO PA REKLAMA!

SHKARKO APP

App Store
Google Play

Dita e Përkujtimit të Holokaustit/ Bushati: Thelbësore beteja për fjalën e lirë

27 Janar 2020, 11:42, Politikë CNA

Ish ministri i Jashtëm, Ditmir Bushati thotë se dita e përkujtimit të Holokaustit mbart një simbolikë që lidhet jo vetëm me aktin e pashembullt çnjerëzor nga një regjim, por edhe me shpresën dhe vulën e fitores së njerëzimit kundër së keqes.

Sipas Bushatit, kur reflektojmë mbi këtë ligësi, kujtojmë sesi gjithçka filloi nga fjala.

?Nëpërmjet fjalëve u krijua një rrëfenjë e rreme për hebrenjtë. Nëpërmjet fjalëve u ngjiz frika që më pas u shndërrua në urrejtje. Nëpërmjet fjalëve paragjykimet u shndërruan në stereotipe dhe ajo që dikur nuk mund të imagjinohej u shndërrua në mendimin e ditës: në urrejtje, përndjekje e shfarosje të hebrejve.
Ne shqiptarëve, marrëzia e Holokaustit na vuri në test përballë historisë, vlerave dhe dashurisë për jetën. Atdheu ynë u shndërrua në një strehë të sigurtë për hebrejtë në Evropë?, shkruan Bushati.

Ish ministri thotë se edhe sot, 75 vite më pas, beteja për fjalën e lirë si çelësi i formësimit të rrëfenjës kolektive mbetet thelbësore në një kohë që kultura demokratike evropiane po lëkundet mes dallgëve të pasigurisë të shkaktuar nga racizmi, ksenofobia, krimet dhe gjuha e urrejtjes.

?Është përgjegjësia jonë e përbashkët për të rezistuar kundër çdo gjëje që kërcënon mënyrën tonë të jetesës, lirinë dhe vlerat e përbashkëta. Është detyra jonë të sigurojmë që gjenerata e re trashëgon një botë të paqtë e harmonike?, shkruan Bushati./CNA.al





Lajmet e fundit nga