E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

“Politikanët janë të përkohshëm”/ Krasta thirrje të fortë për qytetarët

27 Janar 2020, 21:31, Politikë CNA

Gazetari dhe moderatori Adi Krasta ka komentuar situatën aktuale për marëdhëniet mes politikës së Shqipërisë dhe të Kosovës, për të cilën thotë se nuk e ka as luksin dhe as kohën të degjenerojë në zënka banale egosh narciziste.

Krasta deklaron se duhet të pranojmë se të gjithë aktorët politikë janë të përkohshëm, duke përmendur këtu ish këshilltarin e Sigurisë Kombëtare John Bolton.

?Vetë presidenti Trump është me mandat të përcaktuar. Kështu është i derguari i posaçëm Grenell, i cili po aplikon sjelljen ambasadoreske prej skifteri të përshkruar saktësisht nga Paul Richter. I përkohshëm, madje më shumë se të tjerët është kryeministri i Shqipërisë. Ai i Kosovës gjithashtu. Të momentit janë presidentë e negociatorë?, shkruan ai në rrjetet sociale.

Gazetari thotë se nuk duhet të na hutojë retorika bombastike dhe as takimet e ashtuquajtura të nivelit të lartë, pasi thekson se në fund vendimet duhet t?i marrë populli i Kosovës.

?Serbia duhet të kërkojë falje zyrtarisht për krimet e të paktën 300 vjetëve të fundit ndaj shqiptarëve. Të pranojë pa asnjë kusht mëvetësinë e Kosovës. Pastaj le të flitet për marrëveshje të përbashkëta apo hyrje në BE. Minishengeni është krijim artificial dhe nuk i bëhet si dhuratë një vendi që ka shkaktuar genocid. Kosova nuk fiton asgjë nga një Minishengen i përkohshëm dhe i pajustifikuar. Shqipëria gjithashtu nuk fiton asgjë që nuk e ka. Prioriteti i Shqipërisë është Kosova. Nuk mund të jetë asnjë vend tjetër?, vijon më tej ai.

Sipas tij, njerëzit e politikës së marrëveshjeve të shpejta nuk duhet të helmojnë marrëdhënien brenda familjes shqiptare. Krasta thekson se qytetarët nuk duhet ta lejojnë këtë.

?Në Shqipëri duhet të rritet fuqia kritike. Në Kosovë nuk duhet të bien pre? e gjuhës së gjatë të politikanëve të përkohshëm. Është konfirmuar në shekuj se ata janë të aftë të shkaktojnë me egoizmin e tyre dëme të parregullueshme. Le të mbajmë sytë tek topi ynë dhe loja jonë!?, përfundon gazetari./ CNA.al