web counter
LEXO PA REKLAMA!

SHKARKO APP

App Store
Google Play

Lefter Alla niset me urgjencë drejt Tiranës/ Bën gati padinë për ish deputetin

23 Janar 2020, 12:25, Politikë CNA

Kryebashkiaku i Bulqizës, Lefter Alla vijon të mohojë videon e publikuar një ditë më parë në media, ku pretendohet se ai është shfaqur në një ambient publik duke konsumuar kokainë.

Përmes një statusi në rrjetet sociale, ai bën me dije se është nisur drejt Tiranës dhe do të depozitoj një padi në ngarkim të ish deputetit të PD-së, Ervin Salianji.

?Dua të informoj opinion publik të Bulqizës dhe të gjithë Shqipërisë, me të drejtë të shokuar nga një video-montazh të publikuar në bashkëpunim nga Partia Demokratike dhe një televizion lokal, se sot jam nisur drejt Tiranës ku do të depozitoj një padi në ngarkim të shtetasit Ervin Salianji, një person me aktivitet përsëritës kriminal për situata të ngjashme, referuar organeve të drejtësisë shqiptare. Dua të sqaroj gjithashtu se ekzistenca e një video-montazhi më është bërë me dije prej rreth një viti, por gjithmonë kam besuar dhe besoj se duhet të jetë drejtësia ajo që ta hetojë dhe ta zbardhë.  Prandaj deklaroj se unë do të pres zbardhjen e çdo vepre penale nga drejtësia.  Kushdo që më akuzon mua të presë veprimet e Prokurorisë dhe vendimin përkatës të Gjykatës. ?-shkruan Alla.





Lajmet e fundit nga