web counter
LEXO PA REKLAMA!

SHKARKO APP

App Store
Google Play

E fundit!

x

Artan Hoxha flet pas dëshmisë te SPAK/ "Ja pse e publikova videon e Lefter Allës"

23 Janar 2020, 17:20, Politikë CNA

Gazetari Artan Hoxha ka folur pas dhënies së dëshmisë para trupit gjykues për videon e kryebashkiakut socialist të Bulqizës, i cili u filmua duke konsumuar lendë narkotike në një lokal.

Hoxha tha se atë nuk e shqetëson Lefter Alla, si individ, por e shqetëson fenomeni dhe për këtë arësye, thekson se e publikoi videon.

?Për çdo pyetje që patën prokurorët pata përgjigjen time. Duke qenë se kam qenë një nga mbështetësit e SPAK kam shpresë së kjo çështje do të shkohet deri në fund. Pashë interes për ta zbardhur çështjen. Çfarë u duhej u’a vura në dispozicion. Unë u pyeta dhe dhashë gjithë informacionin që i duhej SPAK-ut. Paraqita mënyrën sesi mora videon.

Çfarë disponoja ia kam paraqitur Prokurorisë. I kam dhënë prokurorit çdo informacion që ai ka dashur. Sigurisht pres që SPAK të jetë në lartësinë e pritshmërinë e shqiptarëve. Kam besim se do ta bëjnë punën e tyre. E kuptoj linjën e mazhorancës, persona që kanë përgjegjësi morale dhe po mundohen ta faktorizojnë. Edhe pronarët e medieve, ish kolegët, ish gazetarët që sot janë bërë pronarë, që po mundohen ta shpëtojnë këtë ngërç që ka zënë mazhorancën, nuk mund të më lidhin mua me politikën apo me ish deputetin Salianji.

Nga ana etike, një administrator lokal i mandatuar me votë të qytetarëve nuk mund të jetë në detyrë pas skenave të tilla. Kjo është gjëja që unë mund të jem interesuar. Për mua është i parëndësishëm personi si individ, për mua është i rëndësishëm fenomeni?, u shpreh gazetari për mediat./ CNA.al





Lajmet e fundit nga