E fundit!

21:22 Aktualitet

Tubimi i 45-të/ Protestuesit marshojnë në rrugët e Tiranës me thirrje kundër qeverisë

Protestuesit janë larguar nga Kryeministria pas përfundimi...

Të tjera filmime për kryebashkiakun e Bulqizës

23 Janar 2020, 09:20, Politikë CNA

Pas një paralajmërimi në muajin nëntor, disa ditë para tërmetit, dje në mëngjes në televizionin Abc News janë publikuar disa foto të kryebashkiakut të Bulqizës Lefter Alla, duke pirë kokainë në një ambient privat në një lokal në banakun e të cilit vendosej një pjatë dhe lënda narkotike.
Në video duken tre persona, kryebashkiaku dhe dy persona të tjerë, ndërkohë që ajo u bë pubike vetëm pasdite nga gazetari Artan Hoxha.

Dje në mbrëmje një emisionin ?Opinion? të Blendi Fevziut në një panel gazetarësh ku i pranishëm ishte edhe zoti Hoxha u diskutua gjerë e gjatë për videon.
Ai gjatë ditës tha se kishte pasur shumë presion për këtë video, kishte pasur nga ana tjetër edhe shumë kryebashkiakë që dërgonin njerëzit e tyre për të pyetur kush ishte në këtë video.

Ka pasur edhe tentativë për pazare por në fund video është publikuar.
Vonesën e kohës ai e sqaroi me faktin se tërmeti që ra në Shqipëri ishte ai që kishte detyruar që të shtynte me disa javë publikimin e kësaj video.
Artan Hoxha tha se video ishte filmuar me një telefon mbi ekranin e kamerave të sigurisë të lokalit ku ishte pirë droga nga kryebashkiaku i Bulqizës.

Në fakt ai pretendoi gjithashtu se edhe serverat e lokalit apo paisjet që kanë filmuar mund të jenë fshirë, por nga ana tjetër mund të ekzistojnë filmime edhe më të gjera. Pra, ai filmim disa sekondësh që është filmuar dje mund të ketë edhe më shumë sesa aq. Për atë ç?ka kemi parë ndoshta mund të jetë shumë pak dhe mund të ketë edhe të tjera filmime që tregojnë më qartë kryebashkiakun e Bulqizës.

Nga ana tjetër Lefter Alla ka thënë se në video nuk është ai dhe se do të padiste ish deputetin e PD, Ervin Salianji i cili nuk kishte asnjë lidhje me atë video por ajo ishte publikuar nga gazetari Hoxha i cili kishte theksuar se PD nuk ishte në dijeni të këtij filmimi, nuk e kishte marrë nga aty videon. Ashtu siç deklaroi edhe Gazmend Bardhi, Sekretari i Përgjithshëm i PD, tre ditë më parë i cili tha se ishte në dijeni të një video por që PD nuk kishte asnjë lidhje me të.

Hoxha nga ana tjetër sqaroi mjaft mirë se ky ishte rasti për të treguar moralin e një kryebashkiaku dhe asgjë më tepër sëesa kaq, nuk ishte as një rast për tu trajtuar politikisht dhe as një çështje e cila duhej mbajtur në heshtje pasi moralishtkush është mesazhi që shpreh një kryebashkiak i cili filmohet duke përdorur lëndë narkotike. Alla pretendon se është montazh, ndërkohë dje zoti Hoxha është thirrur për të deponuar në polici. Sot pritet të ketë të tjera zhvillime.

Alla pretendon se video është e paqartë, ëshë montazh, nuk është ai në ato filmime. Në fakt dyshohet se ka dhe të tjera regjitstrime, pra ai pasazh i treguar shoqërohet me filmime të tjera më të zgjeruara.
Nga ana tjetër sot pritet edhe nje reagim nga qeveria në lidhje me videon ku kryetari i bashkisë së Bulqizës filmohet duke thithur kokainë.

Deri tani e vetmja që ka folur është zëvendës ministrja e Brendshme, Rovena Voda e cila nëpërmjet mediave dje tha se personi duhet të mbajë përgjegjësi personale nëse video është e vërtetë dhe çështja do të sqarohet nga organet kopetente./CNA.al