web counter
LEXO PA REKLAMA!

SHKARKO APP

App Store
Google Play

E fundit!

x

Video me kokainë/ Pjerin Ndreu: Ca në PD e pijnë më keq se ai i Bulqizës, mos më bëni të them emra

23 Janar 2020, 11:49, Politikë CNA

Kryebashkiaku i Lezhës Pjerin Ndreu ka komentuar videon e publikuar nga gazetari Artan Hoxha, ku shfaqej kryetari i bashkisë së Bulqizës, Lefter Alla duke konsumuar kokainë.

Ndreu tha se nuk e di nëse është Lefter Alla ai që shfaqet në video, por shtoi se nëse është e vërtetë sjella nuk është aspak dinjitoze dhe kostoja është personale dhe jo e PS-së.

Referuar akuzave të PD-së, ish-deputeti socialist tha se është gati që të bëjë testin e drogës, por shtoi se te partia Demokratike ka më keq se Lefter Alla.

“Nuk kam koment, jam teleshikues si të gjithë ju, kam parë në TV, nuk jam në gjendje të përcaktoj nëse personi në fjalë ishte filani. Janë ekspertiza që i bëhet videos dhe nxjerr faktin. Jemi përballë një akuze, nuk është etike të jap opinion. Nuk është dinjitoze për asnjë zyrtar nëse ka ndodhur që të jetë në ato kushte. Edhe kjo që merren rastet dhe zmadhohen dhe i faturohen si vijë sjellje një partie nuk është korrekte, edhe në jetë mund të ndodhë që derivon një pjesëtar. Po luhet si në partinë e punës. PS-ja është një familje e madhe dhe nuk është familje e cila nuk ka edhe njerëzit e vet problematikë. Nëse vërtetohen PS-ja mban qëndrimin e vet dhe që e ka mbajtur deri tani. Ne nuk kemi futur në parti testet e drogës, as PD-ja. Mos më bëni të them ca emra që e bëjnë më keq se ai i Bulqizës, se nuk është detyra ime, por e di të sigurt. Personalisht them, se kur të duan gjatë vitit nga 15 herë në muaj shkon e bëj unë testin. Vijnë ndonjë herë në Lezhë, por mos lodhen të vijnë se vetëm korrektesë do të gjejnë. Unë jam gati të shkoj kur të duan ata për test. Kush ka lidhje kostoja është personale. Janë shumë pak për të dëmtuar ujin e PS-së” , tha Ndreu në një intervistë për Report Tv.





Lajmet e fundit nga