web counter
LEXO PA REKLAMA!

SHKARKO APP

App Store
Google Play

E fundit!

x

PD nxjerr zbuluar Veliajn/ Emrin e vëllait të Mark Frrokut për rrugën e miratoi PS

23 Janar 2020, 16:03, Politikë CNA

Ish deputetja e Partisë Demokratike, Dhurata Çupi ka publikuar një dokument, ku thuhet se emrin e rrugës ?Leonard Frroku? në Unazë të Re e ka vendosur këshilli bashkiak i Tiranës në vitin 2014.

Çupi, shkruan se për të bërë pis kryetarin e PD me trafikantë droge, tutorë prostitutash dhe vrasës, siç është mësuar me kryetarin e tij, Erion Veliaj shpiku një sajesë, sikur emrin kësaj rruge në Tiranë ja ka vënë PD.

Kujtojmë që historia e emrit të kësaj rruge është e vjetër dhe palët kanë tentuar vazhdimisht  t?ia kalojnë njëra tjetrës për shkak se Leonard Frroku është vëllai i Arben dhe Mark Frrokut.

“Mashtrimet e Erion Veliajt janë të trasha dhe qesharake. Për të bërë pis kryetarin e PD me trafikantë droge, tutorë prostitutash dhe vrasës, siç është mësuar me kryetarin e tij, Erion Veliaj shpiku sot një sajesë sikur Basha i paska vënë emrin e një krimineli një rruge në Tiranë.

Aspak e vërtetë! Mashtrim banal, por djallëzor! Vëllanë e Mark dhe Arben Frrokut e nderoi Partia Socialiste e Edi Ramës dhe Erion Veliajt, pasi erdhën në pushtet.

Vendimi i Këshillit Bashkiak në foto tregon se ishte PS ajo që e propozoi dhe e miratoi emrin e rrugës, siç ka bërë, sa herë ka patur pushtet, duke vendosur emra kriminelësh që kanë vrarë dhe torturuar me mijëra shqiptarë gjatë regjimit diktatorial.

Erion Veliaj mund të përpiqet me mashtrime banale të bëjë të duken njësoj Lulzim Basha me Edi Ramën për të përfituar vetë, por e bardha me të zezën janë të pangatërrueshme!

Ne nuk jemi të gjithë njësoj!”/CNA.al

 





Lajmet e fundit nga