web counter
LEXO PA REKLAMA!

SHKARKO APP

App Store
Google Play

Veliaj godet sërish/ Kopjon logon e 100 vjetorit të Tiranës

17 Janar 2020, 20:12, Politikë CNA

Kryebashkiaku i Tiranës Erion Veliaj shpalli pak ditë më parë një konkurs për logon e 100-vjetorit të shpalljes së Tiranës si kryeqytet.

Veliaj u kërkoi qytetarëve që të votonin në një sondazh të hapur publik mes disa zgjedhjeve. 24 orë më parë ai postoi në faqen e tij zyrtare në rrjetin edhe logon fituese.

Por duket se logoja në fjalë është e kopjuar. Në rrjetet sociale qarkullon edhe kopja e logos e cila është identike e marrë nga kompani të tjera. Kjo shihet nga një kërkim i thjeshtë në internet. Si logoja e Tiranës gjen me dhjetëra të tilla dhe nuk bëhet fjalë për diçka origjinale, shkruan lapsi.al.

Në lidhje me këto akuza ka reaguar edhe  krijuesi, Fisnik Ismail i cili përmes një sqarimi të gjatë në rrjetet sociale, shkruan në rastin konkret duhet dalluar stili prej konceptit.

Në logon e 100-vjetorit të Tiranës, ai sqaron se është përdorur një stil i dizajnit shumëngjyrësh, ku ngjyrat mbivendosen dhe kjo përdoret edhe nga Google sipas tij.

Ismaili shkruan se ajo që është e veçantë dhe origjinale në logon e Tiranës është shkrirja e numrit 100 me emrin e qytetit./CNA.al





Lajmet e fundit nga