web counter
LEXO PA REKLAMA!

SHKARKO APP

App Store
Google Play

E fundit!

x

Balla nxjerr dokumentet/ Dosja amerikane tregon që Basha firmosi vetë pagesat për kompaninë me pronarë rusë

17 Janar 2020, 19:44, Politikë CNA

Kreu i Grupit Parlamentar të Partisë Socialiste, Taulant Balla, ka reaguar sërish lidhur me vendimin e Gjykatës për të pushuar çështjen ndaj kryedemokratit Lulzim Basha, për “lobimin rus”.

Balla hedh akuza të forta ndaj gjyqtarit, Lazër Sallaku, i njëjti gjyqtar që sot vendosi lirimin për 6 të dyshuarit e dosjes ?Toyota Yaris?.

Teksa ka publikuar edhe dokumentin e DASH që tregon firmën e Lulzim Bashës në dokumentin për transferimin e 650.000 dollarëve në emër të Partisë Demokratike, Balla e cilëson Sallakun si anëtar të organizatës KÇK.

“Anëtari i KÇK në gjykatë guxon t?i bëjë shqiptarët, apo edhe organet e drejtësisë në vendet partnere, qorra. Nuk ka provë thotë gjyqtari se pagesat janë bërë nga Lulzim Basha. Por Lulzim Basha ka firmosur kontratat.

Dokumenti zyrtar i vendosur në dizpozicion nga Departamenti Amerikan i Drejtësisë tregon të zezë mbi të bardhë Emër, Mbiemër, firmë, numër pashaporte diplomatike të Lulzim Bashës. Madje Nikolas Muzin kërkon garanci të vijë dhe të dëshmojë para gjykatësit.

Lexojeni vetë. Aq e fortë qenka lidhja e anëtarit të KÇK në gjykatë me Lulzim Bashën, sa sot Luli nuk u ndje fare edhe për atë gënjeshtrën me toyota e ku gjyqtari i Lulit i fali të arrestuarit njëlloj siç fali edhe Lulin.

E çuditshme Lulzim, që të gjitha dosjet e tua, edhe dosjen ?CEZ? të babait tënd politik Sali Berishës me Nuel Kalajn, i paska një gjyqtar i vetëm?! p.s. Mos harrro nxirre tani nënkryetarin tënd të të mbrojë”, shkruan Balla./CNA.al





Lajmet e fundit nga