Sherefeidn Shehu nxjerr pabesinë/ PD ishte kundër uljes në tryezë me Gjiknurin

17 Janar 2020, 20:09, Politikë CNA

Sherefedin Shehu ka qenë kandidati i Partisë Demokratike në zgjedhjet e pjesëshme për kryebashkiak të Dibrës, që u mbajtën në 11 shtator të 2016.

Ndonëse i përkrahur fort nga PD-ja Sherefedin Shehu humbi përball kandidatit të PS falë trafikut e blerjes së votave nga kandidati rival i PS-së. Arsye e mjaftueshme kjo që Parti Demokratike ta shënjestronte Damian Gjiknurin, që drejtoi PS në ato zgjedhje.

Emri i Gjiknurit, si eksponent kryesor në trafikun e blerjes së votave, do të dilte më pas edhe në përgjimet e publikuara nga gazeta gjermane ?Bild? për ato zgjedhje.

E megjithatë, ndonëse eksponent i përgjuar në pazaret për blerjen e votave, megjithse i nëmur dhe i përjashtuar nga dialogimi, Damian Gjiknuri ishte balli i tryezës rreth të cilës përfaqësuesit e Partisë Demokratike pranuan të ule për të reformuar Kodin Zgjedhor, që sikurse deklarohet gjoksngrehur synon të eleminojë dhe trafikun e shitblerjes së votës.

PD sërish në tryezë me Damian Gjiknurin e kapur me presh në dorë dhe për të cilin u betua se nuk do të takohej kurrë?!

Një ndër komentuesit e këtij fakti është edhe Sherefedin Shehu, kandidati që e pësoi drejtëpërdrejtë pasojën e veprimtarisë së Damian Gjiknurit. Çfarë mendon z. Shehu lidhur më këtë ulje në tryezë, tre vite pas ?mëkatit? zgjedhor?

?Duhet të ishte kategorikisht, siç ishte deklaruar më pare, që PD nuk ulet me Damian Gjiknurin. Kemi një person i cili është i provuar si manipulator, vjedhës, natyrisht edhe si servil politik sepse ka qenë dora e Ramës, nuk mund të thuash që ishte autor i masakrës së Dibrës?, u shpreh Shehu për ?ABC Neës?.

Por Gjiknuri nuk është i vetmi problem që Shehu e sheh tek tryeza për marrëveshjen mes mazhorancës dhe opozitës. Propozimet e tanishme të PD për Kodin ai i quan të zakonshme.

?Ulja ishte e papritur, e papërgatitur, nuk ka një platformë të qartë që të garantojë votën e qytetarëve?, theksoi ai, duke mos e përjashtuar mundësinë e zgjedhjeve të parakohshme, si një premtim joshës që pozita ja ka ofruar PD-së për ta ulur në tryezë me të.

?Publikisht nuk është thënë asgjë, por mund të jetë njëfarë joshjeje që i është bërë PD për ta ulur në tavolinë?, u shpreh Shehu./CNA.al