Deklarata e fortë e Ngjelës/ SPAK ka gjetur paratë e politikanëve në offshore

17 Janar 2020, 17:52, Politikë CNA

Avokati i njohur, Spartak Ngjela ka komentuar marrëveshjen e Reformës Zgjedhore mes PS -PD.

I ftuar në studion e TV ?Abc News?, Ngjela u shpreh se marrëveshja e arritur mes palëve politike nuk ka lidhje me drejtësinë. Ndërsa bëri dhe një deklaratë të fortë tha se SPAK u ka gjetur poitikanëve e pushtetarëve paratë e korrupsionit të depozituara në bankat offshore.

?Marrëveshjet nuk janë puthje, bëhen gjithmonë për një të përbashkët. Gabimi politik i Bashës a korrigjohet me këtë apo jo?! Ku shkove, asgjëkundi, ku u ktheve, aty ku ishe. Të zhgënjyer dhe të mashtuar kanë dalë përkrahësit të cilët mendonin se lëvizja bëhej për të rrëzuar qeverinë. Nuk e bllokuan dot Reformën në Drejtësi. SPAK doli, me shumë vështirësi, por doli. Zgjedhjet nuk mund të jenë para 2021, sepse ndërkombëtarët nuk mund të pranojnë zgjedhje pa Reformë në Drejtësi. Po të kishte pushtet gjyqësor Shqipëria, asnjëri nuk do të ishte në politikë. Këta kanë bllokuar sistemin me forcën e tyre sepse nuk lejojnë zgjedhje të lira.

Byroja Kombëtare do ti nxjerrë të gjitha. Nuk e bllokojnë dot SPAK-un, nuk janë profesionistë, lind problemi se çfarë do të bëjë SPAK?! Ka një angazhim denoncimesh që nuk janë në optikën e institucioneve. Gjithçka do varet nga denoncimet, duhet të presim kur të fillojë gjetja e parave të korrupsionit në bankat offshore. Sipas të dhënava të mia i kanë gjetur? Kemi një mori të madhe ngjarjesh që presin?, tha Ngjella.

Duke folur më tej, Ngjela theksoi se gjithë të vjetrit në PD janë kundër Bashës.

Ndërrimin e sistemit nuk e bëjnë sepse nuk dalin dot me lista të hapura, se kanë konflikte brenda partive. Gjithë të vjetrit e PD-së janë kundër Bashës. Edhe Rama e ka më keq me të vjetrit. Këta mendojnë se nuk na duhen armiqtë, por në rast se hapen listat atëherë fillon karriera politike. Gjithë strukturat janë të vjetra, liderit janë të rinj. Nuk dalin kundër partisë. Këta janë me partinë dhe rrëzojnë kryetarin, tremben sepse e dinë sa e kanë popullaritetin brenda vetes, këta kanë vetëm pushtetin, ndërsa listat e hapura janë më të rrezikshme?, u shpreh më tej avokati?./CNA.al