web counter
LEXO PA REKLAMA!

SHKARKO APP

App Store
Google Play

E fundit!

x

Marrëveshja për Reformën Zgjedhore/ Gazetari “gozhdon” Bashën: Kartolinë e shëmtuar e PD

14 Janar 2020, 21:07, Politikë CNA

Gazetari Bledian Koka, e ka konsideruar si një kartolinë të shëmtuar uljen e opozitës  jashtë parlamentit dhe mazhorancës për reformën zgjedhore.

I ftuar në RTV ora, Koka tha se kjo ka lënë një shije të keq tek mbështetësit e opozitës. Marrëveshja sipas tij, bie ndesh më mënyrën si opozita ka bërë aksionin e saj politike.

?Sot ishte fytyra e mazhorancës përballë opozitës, e cila ka protestuar edhe kundër Damian Gjiknurit. Mendoj se kjo e sotmja ka lënë një shije të keqe tek mbështetësit e opozitës, nuk e kanë fshehur këtë gjë. Ndoshta marrëveshja duhej sepse duhet bërë analiza nga fillimi. A duhej një marrëveshje? Sigurisht që duhej. A duhet të zgjidhet kriza? Sigurisht që duhet sepse në analizë dhe peshore janë edhe fatet e Shqipërisë. Por opozita nga ana tjetër, nga  mënyra si ka zhvilluar aksionin e vet politik, që nga 16 shkurti i vitit të kaluar, ku dogji mandatet, i ka ftuar në kauzë mbështetësit e saj për një tjetër gjë. I ka ftuar për një qeverisje pa Edi Ramën, për një reformë zgjedhore pa Edi Ramën, për një tryezë negociatash pa Damian Gjiknurin.

Mendoj që nga opozita nuk pritej që në një moment të caktuar të ulej në tryezën e diskutimit sikur asgjë s’ka ndodhur. Nuk pritej nga opozita që të ulej në tryezë me Damian Gjiknurin. Deklarata e 18 shtatorit e Bashës ka qenë kjo: Ne e konsiderojmë farse ftesën e Ramës për tu ulur në tryezën e diskutimit kur përballë është Damian Gjiknuri. Damian Gjiknuri është ai që ka qenë si në 18 shtator, si ai që është sot. Është një njeri i kapur në përgjime duke manipuluar zgjedhjet në Dibër me termin e famshëm “tërmet tërmet” dhe ai që shkaktoi tërmetin e 11 shtatorit 2016 në Dibër sot është ulur përballë opozitës. Kjo është pikturë e shëmtuar të cilën PD dhe LSI nuk duhet ta kishin pranuar. Kartolina është e shëmtuar.?/CNA.al

 





Lajmet e fundit nga