web counter
LEXO PA REKLAMA!

SHKARKO APP

App Store
Google Play

Vasili “e dredh” për Gjiknurin/ “ Është koleg i vyer dhe i sprovuar”

14 Janar 2020, 20:14, Politikë CNA

Nënkryetari i LSI-së, Petrit Vasili tha mbrëmjen e sotme se ulja e opozitës në tryezën e Reformës Zgjedhore pas një viti debate e shere publike, erdhi si një kontribut.

Vasili deklaroi se opozita nuk ka bërë asnjë lëshim për Damian Gjiknurin, i cili është akuzuar si një ndër personat më të përfshirë në shitblerje e votës, por qëndrimi i tij kundrejt socialistit duket se ka ndryshuar pasi e quajti ?koleg të vyer dhe të sprovuar në proceset zgjedhore?.

?Kemi një Parlament ilegjitmim që është në fundin e tij. Fatura politike po rëndon shumë shqiptarët. Negocim të lehtë nuk ka, ngjarjet kanë ecur në një rrugë të tillë që edhe koha na dha të drejtë sepse nuk u imponuam në asnjë rast. Kjo situatë në procesin e integrimit na rëndoi kushtet, filluam të kemi reflektime negative edhe në planin rajonal. Nuk kemi bërë asnjë lëshim me Damian Gjiknurin. Dosja 184 është një sprovë për SPAK, ky është problemi i PS. Kam vendosur kontributin tim që procesi të jetë sa më i mirë?, u shpreh ai në emisionin ?Mbrëmje në ABC?.

Gjithashtu nënkryetari i LSI-së, pranoi se ka patur edhe më parë takime me bashkëkryetarët e komisionit të Reformës Zgjedhore.

?Ka pasur takime, por jo individuale. Jemi takuar edhe me zotin Gjiknuri edhe zonjën Hajdari?, tha ai, ndërsa theksoi se kërkesa për rrëzimin e kryeministrit Edi Rama është e pandryshuar. Sipas tij, Shqipëria do shkojë në zgjedhje para vitit 2021.

?Nuk bëhet fjalë për zbutje gjakrash, nuk kemi lëvizur asnjë gram, kërkesa për largimin e kryeminsitrit mbetet aty. Reforma Zgjedhore bëhet për ti dhënë zgjidhje krizës politke?, u shpreh Vasili.

Teksa u pyet për reagimin e ish-kryeparlamentares Jozefina Topallit, nëkryetari i LSI-së tha se njeriu nuk duhet të bjerë në nivele kaq mjerane.

?Zgjidhjet e njëanshme dhe logjika e faktit të kryer nga ana tjetër do të jenë vija të kuqe dhe nuk do të ketë asnjë lloj tolerance. Konsensualiteti dhe gjithëpërfshirja janë dy themelet e çështjes?, theksoi Vasili./ CNA.al





16:29 Politikë

Rama ik apo mik?

Java e fundit ka qenë me mjaft zhvillime në kampin e opozitë...

Lajmet e fundit nga