E fundit!

10:29 Politikë

Vrasja e efektivit në Maliq/ Kuvendi mban 1 minutë heshtje

Kuvendi i Shqipërisë ka nisur seancën e sotme duke mbajtur...

Valbona Mezini nxjerr në shesh "të palarat"/ Pazaret Rama-Basha

14 Janar 2020, 17:48, Politikë CNA

Valbona Mezini e Bindjes Demokratike nuk është kursyer ndaj Lulzim Bashës dhe Edi Ramës, për të cilët thotë se vunë në plan të parë interesat e tyre dhe në plan të fundit ato të shtetit dhe shqiptarëve.

Mezini kujton se kjo marrëveshje erdhi papritur pikërisht një ditë pasi Gjykata mbylli çështjen e Bashës për akuzat që i bënte Departamenti Amerikan i Shtetit Bashës, për pastrim parash me Rusët dhe lobim me para të pista.

Ajo pretendon se as Rama dhe as Basha nuk e duan ndryshimin e sistemit zgjedhor dhe sipas saj sot ata dolën hapur me qëndrimin e maxhorancës se sistemi politik nuk ndryshon.

Politikania thotë se Lulzim Basha e mbajti gjatë në kohë ngërçin politik pikërisht për këtë moment, për një pazar të mundshëm në këmbim të akuzave amerikane, ndërsa thekson se fati i Shqipëri është në pazare personale.

Mezini përmend edhe deklaratën e Presidentes së Komisionit Europian, Ursula von der Leyen, e cila tha se BE duhet t?i përmbushë të gjitha premtimet e bëra ndaj vendeve të Ballkanit Perëndimor dhe të vazhdojë procesin e zgjerimit dhe se muajt e ardhshëm janë vendimtarë sa i përket këtij aspekti.

Për këtë qëndrim ajo thotë se BE ia njeh këtë marrëveshje si meritë Edi Ramës dhe Lulit i erdhi topi tek këmbët.

?Në këtë fazë të zhvillimeve gjeopolitike rajonale të Ballkanit Perëndimor, ata ndërkombëtarët, pak duan të dinë si quhen kryetarët e partive politike shqiptare, ata duan ligjësitë të përmbushen por në këtë fazë, zgjidhja për Shqipërinë është thjesht të lihen mënjanë ngërçet politike.
Ndërsa një fazë e dytë do të jetë ajo se kush janë Kryetarët e partive dhe çfarë historiku kanë me shtetin dhe institucionet?, shkruan ajo Mezini në rrjetet sociale.

Ajo thekson se: ?Sot më shumë se kurrë kur Luli dhe Edi punojnë për veten e tyre dhe jo për institucionet, demokracinë dhe lirinë ekonomike që përbëjnë në kompleks mirëqenien e shqiptarëve, lipset që të krijohet një gravitet i ri politik i së djathtës së vërtetë, me të rinj apo me figura të pa konsumuara në kupolat e mitmarrjes dhe firmosjes së tenderave dhe PPP-ve?./ CNA.al