E fundit!

21:13 Aktualitet

“Sistemi është bllokuar”/ Akademiku Fuga: Protesta tregon se qeveria e ka humbur legjitimitetin

Akademiku Artan Fuga komentoi sot protestën qytetare kundë...

Rindërtimi i 500 banesave pas tërmetit/ Firmoset marrëveshja me Turqinë

11 Janar 2020, 09:13, Politikë CNA

Ministri për Rindërtimin, Arben Ahmetaj ka nënshkruar sot një marrëveshje me ministrin e Mjedisit dhe Urbanizimit të Turqisë, Murat Kurum.

Marrëveshja në fjalë parashikon që Turqia të ndërtojë 500 banesa, pas dëmeve të shkaktuara nga tërmeti tragjik i 26 nëntorit.

Ndërkohë, ministri turk gjatë fjalës së tij, theksoi se do të ndërtohet një lagje shembullore, dhe ndërtimi do të përshtatet me arkitekturën dhe traditën shqiptare.

“Ju kam sjellë përshëndetjet e përzemërta të Erdogan. Ne i ndodhem sa më pranë vëllezërve tanë shqiptarë. Ekipet tona erdhën dhe bënë përpjekje për të ndihmuar sa më shumë njerëz. Ekipet tona kanë verifikuar në terren 600 njësi dhe kemi ofruar ndihma të veçanta. Më pas presidenti Erdogan dha porosi për të ndërtuar 500 banesa të reja. Jemi këtu në kuadër të këtij procesi dhe deri në fund të Janarit autoritet shqiptare të na dorëzojnë truallin ku do të bëhet ndërtimi. Do të jetë një lagje shembullore, dhe ndërtimi do të përshtatet me arkitekturën dhe traditën shqiptare. Ne do firmosim protokollin e parë për realizimin e këtij projekti dhe jemi të gatshëm për t’i ardhur në ndihmë Shqipërisë edhe në çështje të tjera. Ato që ne kemi bërë deri tani do vazhdojmë të bëjm edhe në të ardhmen në kuadër të marrëdhënieve vëllazërore mes dy vendeve”, tha ministri Kurum.

I pranishëm ishte edhe kryeministri Edi Rama, i cili falenderoi shtetin turk për ndihmën e dhënë pas tërmetit.

Po ashtu, Rama premtoi se 500 ndërtesat që do të bëhen në Laç me ndihmën e shtetit turk, do të jenë më të mira se ato të parat.

” Janë 500 njësi të reja banimi që do ndërtohen nga miqtë e ardhur nga Turqia me porosi të presidentin Erdogan në zonën e Laçit që njerëzit të kthehen në shtëpi më të mira se ato që kanë pasur. Ky është zëvendësimi i godina të rrënuara dhe do të jetë një transformim i rëndësishëm i gjithë situatës urbane. Agjencia e angazhuar për këto 500 njësi, do vazhdojmë me një plan zhvillimi për të gjithë infrastrukturës. I japim zgjidhje edhe përmbytjeve në zonën e Laçit. Të dyja palët do ndajnë punën dhe në një kohë të shkurtër do krijojmë në shembull. E falenderoj me shumë mirënjohje ministrin dhe gjithë delegacionin që ka ardhur bashkë me të dhe përfaqësues të specializuar në programin e ndërtimeve me karakter social në Turqi”,-tha ndër të tjera kreu i qeverisë./ CNA.al