“Luli për Oskar”/ Deputeti tallet keq me Bashën

10 Janar 2020, 18:18, Politikë CNA

Deputeti i Bindjes Demokratike, Andi Përmeti është tallur keq me kryetarin e opozitës Lulzim Bashën, duke thënë se ky i fundit është bërë për çmimin ?Oskar?.

Me tone ironie, Përmeti shkruan në rrjetet sociale se Basha është i veçantë, gjenial dhe i papërsëritshëm për artin shqiptar.

Sipas tij, kreu i demokratëve hyn në rol dhe arrin të bëhet njësh me nevojat dhe vuajtjet e spektatorit, ndërsa pretendon se ?këtë vit ka tejkaluar çdo pritshmëri duke qenë për Oskar me rolin e “kryetarit të opozitës”, në filmin “Tallja me popullin opozitar”.

Deputeti thotë se, ky ?film? ka tre skena, për të cilat pretendon se për nga vështirësia edhe aktorët Al Paçino, Anthony Hopkins dhe Robert de Niro do t?i kishin zili.

?Skena e pare është përsëritja e monologut të fitores mbas çdo proteste. Entuziazmi, shkëlqimi në sy, buzëqeshja e fitores kur i deklaronte demokratëve javë mbas jave se si çdo javë rrëzonte Ramën, ishin të pabesueshme. Çdo aktor i nivelit botëror mbas herës së tretë ose të katërt, do të dështonte ta bënte me aq entuziazëm dhe pa iu dridhur qerpiku. Luli ia doli!?, deklaron ai.

Përmeti pretendon se ?skena e dytë është skena epike e fillim korrikut kur përpara ish-kryetarëve të bashkive dhe njerëzve që sapo kishin humbur çdo pushtet të fituar me votë, duke i parë në sy dhe me një qendrim epik fitimtari i deklaroi: “Tani kujdes vetëm euforinë, kemi fituar me 85%.” I jashtezakonshem futja ne rolin e fitimtarit kur kishte humbur gjithcka dhe ju kishte shkaterruar te ardhmen njerzve qe kishte perballe?.

Më tej deputeti shkruan se: ?Skena e tretë ishte skena e para dy ditësh. Doli, me buzëqeshje, fitimtar dhe deklaroi që ky sistem zgjedhor është i mirë. I shkëlqyen sytë dhe pa iu dridhur qerpiku tha se kush fliste kundra Ramës, i shërbente Ramës dhe vetëm ato që i jepnin të drejtë Ramës për sistemin donin vërtet ta rrëzonin Ramën. Perlë!?

Përmeti shprehet se, ndërsa thonte këto fjalë, në sytë e Bashës shkëlqente gëzimi i fitores më fort se zhgënjimi në sytë e Joaquin Phoenix kur përjetonte gjithë dhunën dhe agresivitetin e kësaj bote.

Sipas tij, këtë mund ta bëjë vetëm Luli, pasi pretendon se gjithkujt do t?i dridhej pak zëri dhe sytë do t?i shfaqnin zhgënjimin dhe turpin e disfatave të pafundme ndërsa përsëri po tradhëtonte demokratët dhe opozitarët.

Deputeti ka publikuar edhe foton e aktorit të njohur Billy Portner, i cili u vesh me fustan në tapetin e kuq, në ditën e ndarjes së çmimeve Oscar, kur thotë se kjo foto nuk ka për qëllim të ilustroje Lulzim Bashën, por evenimentin e çmimeve Oscar./ CNA.al