web counter
LEXO PA REKLAMA!

SHKARKO APP

App Store
Google Play

E fundit!

x

Marrja e Presidencës së OSBE/ Mustafaj: Pa mbështetjen e Berishës nuk do të realizohej

10 Janar 2020, 13:07, Politikë CNA

Ish Ministri i Jashtëm, Besnik Mustafaj, ka deklaruar se marrja e Presidencës së OSBE-së, shënon pa dyshim një afirmim me rëndësi të Shqipërisë si kontributore në marrëdhëniet ndërkombetare.

Me anë të një shënimi në rrjetet sociale, Mustafaj thotë, se si shqiptar dëshiron fort që kjo përgjegjësi e madhe të permbushet me sukses.

?Por kam edhe një arsye personale për t’u ndjerë sot i kënaqur. Kandidatura jonë për ta marrë këtë rol është vënë në vitin 2006. Ishte hera e parë që një Qeveri shqiptare synonte një projekt, të cilin nuk kishte asnjë shans ta zbatonte vete. Pra, ishte hera e parë që një qeveri shqiptare hidhte themelet e një ngrehine të rëndësishme politiko-diplomatike, të cilën do ta gëzonin ekipe të tjera qeverisëse. Për mua, si Ministër i Jashtëm në atë periudhë, ishte krejt e qartë se 14 vjet me vonë, në 2020, unë dhe kolegët e mi, përfshirë këtu edhe Kryeministrin Berisha, do të ishim në pension.  Por, mua më udhëhiqte një mesim i Çurçillit, i cili thotë se dallimi midis burrit të shtetit dhe qeveritarit të zakonshëm qëndron në faktin se burri i shtetit merr vendime që lidhen me brezat e ardhshëm, ndërsa qeveritari i zakonshëm merr vendime që lidhen me zgjedhjet e radhës?,ka shkruar Mustafaj.

Sipas të njëjtit, në atë periudhë, Shqipëria monitorohej nga OSBE, siç vazhdon te monitorohet edhe sot.

?Kur fillova të flas me kolegët e mi, ministra të jashtëm të vendeve anëtare, për t’u kërkuar mbështetjen, shumë prej tyre gjenin mënyrën për të ma kujtuar se nuk është normale të kërkosh kryesimin e nje organizate, nën monitorimin e të cilës je. Ishte vërejtje me vend.   Monitorimi nga OSBE është tregues i fortë i mangësive substanciale që ka zbatimi i demokracisë në vend. Por, siç kishin filluar punet pas zgjedhjeve të vitit 2005, unë sinqerisht isha i bindur se ky monitorim nuk do të zgjaste. Dhe ua dhashë pa ngurrim kolegëve garancinë se ne vitin 2020 Shqipëria do të ishte një vend me demokraci të konsoliduar. Mirë bëra, sado që, fatkeqësisht, historia tregoi se isha gabuar ne parashikimin tim?, ka shkruar më tej Mustafaj.

Ndër të tjera ai shprehur mirënjohjen për nxitjen që i dhanë për pjekjen e kësaj ideje grupi i vogël i bashkëpunetorëve ne kabinetin e tij, duke filluar me drejtorët njëri pas tjetrit Llesh Kola e Halil Hyseni, dhe keshilltarët Genc Muça, Desada Metaj e Xhuli Mehdiu.

?Por vetqm ne nuk mund t’ia dilnim. Ideja u prit shumë mirë nga i gjithë trupi diplomatik i Ministrisë së Jashtme. Për konkretizimin e saj punuan me dashuri dhe profesionalizëm të lartë veçanërisht një dorë diplomatësh të spikatur, midis të cilëve do të përmendja Spiro Koçin, Mimoza Halimin e ndonjë tjetër. Më pas ata do të bëheshin edhe ambasadorë të shkëlqyer. Kam mësuar shumë nga bashkëpunimi me ta. Një falenderim të posaçëm kam edhe për Kryeministrin Sali Berisha. Pa mbështetjen e tij të fortë, një projekt i tillë sigurisht që nuk mund të merrte rruge. Në këtë valë entuziazmi ne vumë edhe kandidaturën e Shqipërisë për një vend si anëtare jo e përhershme në Këshillin e Sigurimit te OKB-së për vitin 2022, te cilin kam besim se do ta marrim. Pa modesti të shtirur po i lejoj vetes te pohoj se nuk e kishim të lehtë. Ne po mbillnim ca pemë, me të cilat toka e administratës politike të shtetit shqiptar nuk ishte e mësuar?, ka përfunduar shënimin e tij, deiplomati Besnik Mustafaj./CNA.al





Lajmet e fundit nga