E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Ahmetaj zbulon detajet e projektit turk/ Do jetë një pol i ri i zhvillimit ekonomik

10 Janar 2020, 10:02, Politikë CNA

Ministri i Rindërimit, Arben Ahmetaj ka mbajtur sot një konferencë të përbashkët me ministrin e Mjedisit dhe Urbanizimit të Turqisë, Murat Kurum ku ka thënë se ?qyteza? që do të ndërtojë Turqia në Laç nuk do të jetë vetëm një proces rindërtimi, por një pol i ri zhvillimi ekonomik, urbanistik që përfshin edhe Bashkinë e Thumanës si dhe shkollën e saj.

Ahmetaj theksoi se procesi i rindërtimit të 500 banesave të përfundojë në korrik gjë që e vendos në presion Shqipërinë.

?Sot pata kënaqësinë të kisha ministrin Turk Murat Kurum dhe delegacionin që e shoqëron. Falenderoj Turqinë dhe Erdogan për solidaritetin në momentet e vështira pas tërmetit të 26 nëntorit.

Përveç ndihmës së parë materiale që dhe sot kanë vazhduar të mbështesin qytetarët që kanë nevojë për një ndihmë emergjente, qveria e Turqisë do të ndërtojë 500 shtëpi në Laç siç jemidakortësuar.

Patëm rastin të diskutojmë mbi projektin e ndërtimit të shtëpive, duhet të theksoj se shkon përtej ndërtimit të banesave. Merr formën e një poli të ri urbano ekonomik. Është një model i ri zhvillimi në termat urbanistik dhe zhvillimit ekonomik.?-tha Ahmetaj.

Ndërsa zbuloi detaje të projektit, Ahmetaj tha se ?Mendohet të jetë rreth 500 banesa për qytetarët që humbën shtëpitë në Thumanë e Lac. Të shoqëruara me ambiente komerciale dhe dy ambiente publike për shkollën dhe ndërtesën e Bashkisë së Thumanës.?

Më tej, Ahmetaj tha se ?Sot në një takim menjëherë më pas do të diskutojmë për efektin praktik, grantet për rikonstruksion, shpronësimet, kompensimet, procedurat e përshpejtuara të lejeve dhe zyrat e Rindërtimit në secilën Bashki, për asistencën ndaj qytetarëve në platformën e aplikimit online që futet javës tjetër.

Nuk kemi patur as platformë ligjore as proceduriale të kësaj natyre dhe është e vështirë. Dua të ritheksoj se Rindërtimi ka filluar. Qeveria ka filluar të përzgjedhë sajtet e reja në Durrës, Kavajë, Tiranë, Thumanë apo dhe në Krujë dhe në Lezhë. Qëllimi ynë siç e ka përmendur edhe Rama, është që deri në fund të vitit të gjitha familjet në fshat të jenë brenda shtëpive. Brenda 2020 të jenë rindërtuar dhe rikonstruktuar të gjitha kopshtet, qendrat shëndetësore apo shkollat.?/ CNA.al