web counter
LEXO PA REKLAMA!

SHKARKO APP

App Store
Google Play

E fundit!

x

Duma kundër Bashës dhe listave të mbyllura/ Sistemi të frymëzojë, sot s'ka konkurencë

9 Janar 2020, 20:52, Politikë CNA

Ish deputetja e PD, Grida Duma në një dalje të saj televizive ka dalë hapur kundër kryetarit të PD Lulzim Basha dhe qëndrimit zyrtar të demokratëve për ruajtjen e sistemit aktual zgjedhur, propocional rajonal me lista të mbyllura.

Duma, në disa qëndrime të saj publike ka qenë kundër sistemit aktual me lista të mbyllura ajo ka theksuar se duhen listat e hapura, pasi ato sjellin garën dhe rrisin konkurencën. Në këtë linjë ajo i ka qëndruar edhe sot argumentave të saj, ku ka theksuar se reforma zgjedhore nuk duhet të jetë një riparim burokratik i kodit elektoral, ajo ka kërkuar që sistemi të frymëzojë dhe të sjellë konkurencë.

?Reforma nuk mund të jetë thjesht riparim i kodit elektoral. Propozimet për kodin zgjedhor janë të domosdoshme. Bërja me dije strukturave, apo qytetarëve, është një proces i domosdoshëm. Kam menduar dhe mendoj se reforma zgjedhore nuk mund të jetë riparim burokratik i kodit elektoral. Liria e votës së lirë nuk është vetëm potencë në letër. Unë vijoj të besoj se në politikën shqiptare duhet të rritet konkurrenca. Duhet t?i jepet mundësi sistemit të frymëzojë. Sado të diskutohet, një gjë është e sigurt se sot mungon; konkurrenca. A është e nevojshme të themi se çfarë ndodh brenda partive? Jo! E dinë të gjithë shqiptarët. Problemi në Shqipëri është se politika duket sikur punon për politikën, por ajo punon për ekonominë. Nëse nuk e çojmë ujin tek konkurrenca, te përfshirja në politikë, kjo e bën shoqërinë që të motivohet dhe të prodhojë. Të prodhojnë në politikë dhe në ekonomi më pas. Zhdukja e konkurrencën në çdo qelizë, është duke varfëruar Shqipërinë. Njerëzit që do të votojnë padyshim që e rrëzojnë Edi Ramën. Sot politika është e mbyllur, këtu po bëhen interesa dhe afera të mbyllura. Ne themi PPP, por këto janë hajdutëri, janë tendera të negociuara. Ato janë vjedhje, s?kanë as emrin e vet. Nëse shqiptarët sot votojnë, do të votonin kundër kësaj qeveri. Ajo që i duhet politikës shqiptare është që njerëzit të vet prodhojnë. Reforma elektorale duhet të jetë frymëzuese. Ne duhet të hyjmë në këto zgjedhje për t?i fituar ato?, tha Duma.





Lajmet e fundit nga