Kopukët që mbrojnë sistemin zgjedhor të Ramës

9 Janar 2020, 16:39, Politikë CNA

Kryetari i Republikës së Re Lulzim Basha, prej tre ditësh ka bërë publik qëndrimin e tij në mbrojtje të sistemit aktual zgjedhor, pra formulës elektorale që ka sot Shqipëria.

Basha, ndoshta është i vetmi opozitar në Europë, ndoshta edhe në botë, që mbron të njëjtin sistem që i ka dhënë pushtetet Kryeministrit, kundërshtarit të tij politik në detyrë.

Dhe ka qenë Edi Rama ai i cili e ka mbrojtur me flakë këtë sistem, në momentet kur Lulzim Basha dhe aleatët e tij e kundërshtuan dhe kërkonin çdo lloj zgjidhje tjetër.

Në fakt, ky sistem zgjedhor dhe qëndrimi i Lulzim Bashës aktualisht, ka bërë që demokratët të jenë në opozitë për 8 vite, por dhe i ka mbajtur në pushtet në vitin 2009, pas një ndarje midis socialistëve dhe LSI-së, e cila më pas shkoi në pushtet me Rilindjen dhe Edi Ramën dhe tashmë është kthyer tek Lulzim Basha.

Por, përtej fakteve dhe argumentave kohorë, janë të paktën 50 mijë vota të mbledhura nga qytetarët shqiptarë, kundër këtij sistemi zgjedhor. Janë minimalisht vota të humbura nga Lulzim Basha në tavolinë edhe pas akuzave të tij se kush kërkonte ndryshimin e sistemit i shërbente Edi Ramës.

Në fakt është Lulzim Basha ai që ka bërë marrëveshje me Ramën për të mbajtur këtë sistem elektoral, i cili për hir të së vërtetës nuk është përfaqësues, por ka vetëm lista deputetësh të krijuara në zyrën e kryetarit, me servilë dhe të paaftë, apo edhe të inkriminuar.

Kështu ka ndodhur me Rilindjen në 2013-ën dhe kështu ka ndodhur me Lulzim Bashën në 2017-ën. Këto janë fakte të provuara. Jo vetëm janë lista jo përfaqësuese, jo demokratike dhe nuk sjellin zhvillime pozitive në skenën politike, por bëjnë kapjen e partive nga kryetarët dhe kanë sjellë në fakt kapjen e gjithë sistemit politik nga një kryeministër në detyrë.

Atë që ka bërë Edi Rama dhe që akuzohet sot nga Lulzim Basha, që mesa duket ky i fundit kërkon ta bëjë vetë, duke shpresuar se me sistemin aktual ai do të fitojë, por përtej argumentave dhe fakteve në lidhje me duhet apo nuk duhet ky sistem, ajo që bie në sy janë kopukët politikë dhe mediatikë në mbrojtje të këtij sistemi.

Basha ka vërsulur horrat e tij ashtu siç ka vërsulur edhe Edi Rama, pra të dy bashkë, me hienat e tyre po dalin publikisht për të mbrojtur sistemin aktual zgjedhor.

Po të shikosh këtë të Lulzimit të vjen neveri, të vjen për të vjellë, sepse janë ata, të cilët ndoshta me një sistem tjetër nuk do të fitonin kurrë dhe kjo është me garanci të plotë. Në një sistem mazhoritar apo një sistem tjetër politik me lista të hapura, asnjë nga këta kopukë politikë dhe publikë nuk do të fitonte kurrë, prandaj dhe sot i servilosen kryetarit që të jenë nesër në listë.

Ka nga ata që janë pjesë e drejtimit të PD-së, ka nga ata që janë gazetarë apo persona publikë që shfaqen si pjesë e shoqërisë civile, ndoshta aktivistë të cilët bëjnë avokatin e Lulzim Bashës dhe sistemit aktual, kur ky sistem ka prodhuar kryeministër Edi Ramën, i cili ka kapur gjithçka dhe ka dhënë dy prova që listat e përgatitura nga kjo formulë sistemi kanë ndërtuar një parlament të kriminalizuar dhe një parlament me budallenj, të paaftë dhe injorantë siç krijoi dhe viti 2017.

Përballë sistemit aktual ka shumë formula të tjera, por ata nuk i duan dhe për këtë kanë zgjedhur kopukët e tyre politikë, publikë dhe mediatikë t?i përdorin për ta mbrojtur sistemin, por mjafton t?i shikojnë shqiptarët, t?i lexojnë dhe kuptojnë direkt se kush janë personat që Lulzim Basha mund të fusë nesër në listat e deputetëve.

Pra, shikoni kush janë avoketërit mediatikë të sistemit të korruptuar të sotëm zgjedhor në publik, ata do të jenë deputetët e listave fituese të Lulzim Bashës nesër, se këta të Ramës një pjesë e madhe e tyre janë, kurse këta të Lulit shpresojnë kush e kush të kapë një karrige, prandaj dhe kanë zgjedhur të bëjnë avokatinë e një sistemi të korruptuar elektoral që ka prodhuar dy parlamente skandaloze dhe një kryeministër që ka kapur çdo pushtet./ CNA.al