web counter
LEXO PA REKLAMA!

SHKARKO APP

App Store
Google Play

E fundit!

x

Presidenti grek letër Ambasadës për 29-vjetorin e OMONIA-s/ I kujton Shqipërisë kushtin për integrimin

11 Janar 2020, 17:28, Politikë CNA

Presidenti grek Prokopis Pavlopoulos i ka dërguar një letër Ambasadës në Tiranë me rastin e 29 vjetorit të OMONIA-s, organizatës së minoritetit grek në Shqipëri.

Në letër, Pavlopoulos deklaron se Greqia po e ndjek nga afër çështjen e minioritetit grek.

?Greqia është e gatshme në çdo kohë të mbështesë çdo iniciativë e aktivitet për progresin e mirëqënien e minoritetit grek të Shqipërisë, pranë të cilit qëndrojmë të paepur e do të vazhdojmë edhe në të ardhmen. Gjatë kësaj periudhe organizata Omonia, shpesh herë në kushte tepër të vështira, arriti të përfaqësojë me dinjitet Helenizmin e Shqipërisë, duke dhënë mjaft beteja për mbrojtjen e të drejtave themelore bazë?, shkruan ndër të tjera presidcenti grek.

Gjithashtu ai thekson kushtin e Greqisë për integrimin e Shqipërisë në BE, teksa kërkon repektimin e të drejtave të minoritarëve në vendin tonë.

?Sot, mbrojtja e të drejtave minoritare dhe të pasurisë së Minoritetit Etnik grek janë pjesë e pandarë e kritereve që BE i ka parashtruar Shqipërisë për integrimin e mëtejshëm. Greqia e ndjek çështjen nga afër dhe hedh të gjjtha hapat e duhura për sigurimin e të drejtave të minoritarëve grekë në Shqipëri?, thuhet në letër.

Presidenti grek, më tej këshillon OMONIA-n të konceptojnë saktë rëndësinë e bashkëpunimit, të bashkimit në një entitet të vetëm.

?Për t?u përballur me çdo sfidë të shfaqur është tepër i rëndësishëm aktivizimi i vazhdueshëm dhe iniciativat që ndërmerrni. Rezultati i dëshiruar vjen nëse krijoni kushte për konsensus, komunikim si dhe hidhen hapa të koordinuara, të studiuara, çfarë vihet re se në mjaft raste, në vitet e mëparshme, kanë munguar ndjeshëm?, thekson Pavlopoulos./ CNA.al





Lajmet e fundit nga