web counter
LEXO PA REKLAMA!

SHKARKO APP

App Store
Google Play

E fundit!

x

Zgjidhet kryetari i ri i PS në Elbasan

11 Janar 2020, 12:40, Politikë CNA

Deputetja Evis Kushi është zgjedhur në krye të Partisë Socialiste në degën e Elbasanit, duke marrë kështu detyrën pas Xhevahir Budanit.

Lajmi është bërë i ditur gjatë mbledhjes së Asamblesë së PS, ku i pranishëm ishte edhe Sekretari i Përgjithshëm i kësaj partie, Taulant Balla.

Balla theksoi angazhimet e PS për vitin 2020, duke filluar me pjesën më të rëndësishmë të këtij viti, që është rindërtimi i vendit pas tërmetit shkatërrues të 26 nëntorit.

?Viti 2020 është një vit i rëndësishëm për Shqipërinë sepse është viti i rindërtimit të dëmeve të shkaktuar nga tërmeti i 26 nëntorit. Kjo fatkeqësi ka lënë pas, jo vetëm, dhimbjen e jetëve të humbura, por edhe shumë dëme ku mijëra familje janë pa shtëpi dhe po ashtu shumë institucione të dëmtuara.

Në lidhje më këtë situatë, qeveria ka parashikuar, jo vetëm buxhet, por edhe masat për shërimin e plagëve të lëna pas nga tërmeti. Brenda vitit 2020 duhet të kenë përfunduar të gjitha shtëpitë në zonat rurale dhe të jenë ngritur po ashtu të gjitha kantieret e ndërtimit në qytete?, tha Balla.

Por, teksa deklaroi se vëmendja dhe angazhimet e tjera të qeverisë në shërbim të qytetarëve nuk do të ndalen, Balla vuri theksin te një hap i madh përpara, përsa i përket shërbimeve publike:

?Do të doja t?i kërkoja bashkisë dhe të gjithë institucioneve publike që të bëhen përçues të një hapi të madh që ka ndërmarrë qeveria për digitalizimin e shërbimeve publike.?

Më tej, numri dy i PS tha se një luftë e pakompromis do të vijojë ndaj krimit e korrupsionit në çdo hallkë të tij.

Prej disa muajsh Partia Socialiste është në një proces riorganizimi, ripërtëritje dhe përgatitje për zgjedhjet parlamentare të qershorit 2021, ?mandati i tretë për ne është një konsolidim i gjithçkaje kemi arritur dhe një forcim i mëtejshëm i çdo pune të mirë që është bërë deri tani në Shqipëri?, deklaroi Balla.





Lajmet e fundit nga