web counter
LEXO PA REKLAMA!

SHKARKO APP

App Store
Google Play

E fundit!

x

Ndryshuan qëndrimin për sistemin zgjedhor/ Murrizi mesazh aleatëve të Bashës

11 Janar 2020, 19:59, Politikë CNA

Deputeti Myslim Murrizi vijon të kërkojë ndryshimin e sistemit zgjedhor, pasi pretendon se nëse do të votohet me lista të hapura, në Kuvend nuk do të ketë më tutorë, trafikantë droge, të dënuar për vjedhje, apo persona të inkriminuar.

Murrizi tha se, personalisht, preferon sistemin mazhoritar, ndërsa sulmoi aleatët e Lulzim Bashës, të cilët ndryshuan qëndrimin e tyre për sistemin zgjedhor vetëm pak ditë më parë.

Deputeti deklaroi në studion e RTV Ora, se kur dëgjoi Fatmir Mediun, Vangjel Dulen dhe aletatët e tjerë që pranuan sistemin, u habit.

?Kur pashë që thanë i mirë është ky sistem nëse bëhen zgjedhjet në qershor u habita. Ata thonë nëse bëhen zgjedhje të parakoshshme në qershor, ne pranojmë çfarëdolloj sistemi, por nëse bëhen në shtator duam të ndryshojmë sistemin, se ftohet koha atëherë. Nëse thonë këtë bëhen qesharakë?, u shpreh Murrizi.

Ai bëri një deklaratë të fortë, kur tha me siguri të plotë se, nëse votohet me lista të hapura 70% e deputetëve që janë dhe kanë qenë në Kuvend nuk zgjidhen më./ CNA.al





Lajmet e fundit nga