E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Ish “ylli i ri” i Rilindjes/ Nga Amerika, shuplakë Ramës për tërmetin

11 Janar 2020, 19:07, Politikë CNA

Ju kujtohet Rudina Seseri, më të cilën, u mburr, jo pak, Rama para zgjedhjeve të vitit 2009?! Ajo e la Shqipërinë shumë shpejt, sapo mori mandatin e deputetes u shkëput pak nga pak nga politika, duke u rikthyer në Amerikë. Arsyet asnjëherë nuk u mësuan çfarë e detyruan politikanen e re, të braktiste “kauzën” politike të Rilindjes, pa kthyer kokën pas, duke mbyllur çdo komunikim me Shqipërinë ndoshta dhe vetë Ramën.

Por, pas gati dhjetë vitesh, ajo ka folur në një intervistë në Zërin e Amerikës, për jetën e saj të rilindur në Amerikë, ndërsa nuk është anashkaluar angazhimi në politikën shqiptare. Ajo shprehet ndër të tjera, se plani i saj ndryshoi nga ?idealizmi për Shqipërinë? ashtu siç ajo e mbante mend kur ishte e vogël, por nga përvoja shpejt konstatoi se pa dy realitete të ndryshme. ?Frika ime më e madhe ka qenë dhe vazhdon të jetë që unë sa më shumë kohë kaloj këtu, kam frikë se humbas kontekstin lokal, jo për të kuptuar problemet, jo madje edhe për të kuptuar se si mund të shkohet në rrugën e zgjidhjes, por aftësinë për të manovruar. Më bëjnë përshtypje gjëra që do t?i bënin një të huaji, që është paksa e padrejtë, por gjithashtu realiste.?

Para dhjetë viteve, Seseri u kthye në Shqipëri, raporton VOA, me insistimin e kryetarit të PS-së, Edi Rama, në kuadrin e projektin të Rilindjes.

Ajo ka treguar se e sheh sot kryeministrin në kontekstin e Shqipëri, duke thënë se ?asnjë nuk është i përkryer por edhe Shqipëria nuk është vendi më i lehtë për t?u naviguar?.

?Pikëpamja ime mbi rolin e Ramës është që Shqipëria për aftësitë që ka, për botëkuptimin krejt ndryshe, me të mirat dhe të këqiat që vijnë me të, jemi të gjithë paketë përfshirë dhe Ramën, si individ. Gjithmonë e kam thënë që kur erdhi në fuqi që Shqipëria është vetëm një ndalesë. Rama ka një kombinim të pazakontë kreativiteti, aftësie për të ekzekutuar dhe vizioni dhe ato e bëjnë njeri si të vështirë për të dhënë e për të marrë, por gjithashtu dikush që mund të ketë impakt përtej të natyrshmes ose çfarë mund të presësh nga një udhëheqës rutinë.?

Seseri është shprehur po ashtu për Zërin e Amerikës, dhe mbi fatkeqësinë e shqiptarëve, tërmentin që goditi më 26 nëntor të vitit që shkoi, e cila ka shmangur kritikën e drejtpërdrejtë për Ramën. Megjithatë, ajo nuk ka mund të anashkalojë mënyrën se si u përball qeveria nga kjo tragjedi, menaxhimin e saj duke i dhënë një ?shuplakë? kryeministrit për këtë.

Seseri tha se tërmeti që ndodhi në Shqipëri, është një fatkeqësi e madhe e kombinuar me një mosmenaxhim gjigand, por që krijon hapësirën për ta ridrejtuar vendin.

?Trashëgimia që do të lërë Rama mbrapa nuk janë arritjet dhe mosarritjet e asaj që ka ndodhur deri tani, është çfarë ndodh në pikëpamjen time nga ky moment dhe tutje, sepse ka mundësinë ta transformojë vendin, në një formë shumë më të madhe, shumë më afatgjatë dhe me impakt më të gjerë?./ CNA.al