web counter
LEXO PA REKLAMA!

SHKARKO APP

App Store
Google Play

E fundit!

x

Rusia provon për herë të parë "Runet"/ Internet i pavarur nga pjesa tjetër e botës

8 Janar 2020, 15:10, Kosova & Bota CNA

Rusia ka njoftuar se ka ekzekutuar me sukses rrjetin Runet, “përgjigjen” ndaj internetit botëror. Runet është një rrjet interneti i pavarur nga pjesa tjetër e botës. Nuk ka shumë detaje në lidhje me testimin, por sipas Ministrisë së Komunikimeve në Rusi, përdoruesit nuk vunë re ndonjë ndryshim me internetin aktual dhe rezultatet do t’i raportohen Presidentit Putin.

Disa ekspertë ngritën shqetësime për tendencën e disa vendeve për t’u “shkëputur” nga interneti ndërkombëtar, duke krijuar rrjetet e tyre alternative, duke çuar në një prishje graduale të unitetit të internetit.

“Vende gjithnjë e më autoritare që duan të kontrollojnë atë që shohin dhe bëjnë qytetarët e tyre po ndjekin rrugën tashmë të marrë nga Irani dhe Kina. Kjo do të thotë që njerëzit nuk do të kenë qasje ndaj informacioneve për ato që po ndodhin në vendin e tyre dhe do të mbesin në flluskën e tyre”, tha profesori Alan Woodward nga Universiteti i Surrey, sipas BBC.

“Ideja është se interneti në Rusi do të lidhet me pjesën tjetër të botës vetëm në disa pika specifike mbi të cilat qeveria do të ushtrojë kontroll. Kjo në thelb do t’i detyrojë ofruesit e shërbimeve të internetit dhe kompanitë e telekomunikacionit të formojnë internetin brenda kufijve të tyre, siç është një rrjet gjigant i brendshëm i një kompanie të madhe”, shtoi ai.

Agjensia Ruse Tass tha se testet vlerësuan ndjeshmërinë e pajisjeve “Internet of Things” dhe aftësinë e Runet për t’i bërë ballë “ndikimeve të jashtme negative”.

Rusia po planifikon gjithashtu të krijojë enciklopedinë e vet ?Wikipedia? dhe ka miratuar një ligj që ndalon shitjen e telefonave celularë që nuk kanë softuer rus të parainstaluar. Putin gjithashtu planifikon të zhvillojë shërbime alternative të tipit Google dhe Facebook në të ardhmen./CNA.al





Lajmet e fundit nga