web counter
LEXO PA REKLAMA!

SHKARKO APP

App Store
Google Play

E fundit!

x

Rrëzohet avioni ukrainas Boeing në Iran/ 176 të vdekur, mister shkaqet

8 Janar 2020, 07:27, Kosova & Bota CNA

Në mesin e përplasjes së fortë SHBA-Iran, e cila po përshkallëzohet orë pas ore në sulme të rënda me raketa, një aksident i rëndë ajror ka ndodhur orët e para të mëngjesit të sotëm në Iran. Sipas të dhënave parakrake një avion ukrainas Boeing me 176 pasagjerë në bord, është rrëzuar në një zonë midis qyteteve Parand dhe Shahriar, vetëm pak minuta pas ngritjes nga aeroporti ?Imam Khomeini? në Teheran. Presidenti ukrainas Volodimir Zelenski, ndërpreu vizitën e tij zyrtare në Oman, dhe u rikthye me urgjencë në Kiev.

Ai i ka shprehur paraprakisht ngushëllime familjarëve të viktimave, ndërsa tha se është në pritje të hetimit  që do të zbardhë shkaqet e rrëzimit të avionit. ?Sipas informacioneve paraprake, të gjithë pasagjerët dhe anëtarët e ekuipazhit kanë vdekur. Ambasada jonë po punon për të sqaruar informacionin rreth rrethanave të tragjedisë, dhe listës së pasagjerëve të vdekur.

Ngushëllimet e mia të sinqerta për familjet dhe të dashurit e të gjithë pasagjerëve dhe anëtarëve të ekuipazhit?- thuhej në mesazh.Të dhënat e radarit, sugjerojnë që avioni u rrëzua vetëm 2 minuta pas ngritjes.

Avioni kishte qenë në shërbim për 3 vitesh e gjysmë, dhe u gjurmua për herë të fundit në lartësinë 2.415 metra. Ekipet e emergjencës shkuan me shpejtësi në vendngjarje, por nuk mundën të ndërhynin për shkak të flakëve të mëdha./ CNN-Përshtatur nga CNA.al





Lajmet e fundit nga